Al-Hadi (masjid)
Al-Imom Al-Hadi (arabcha: جَامِع ٱلْهَادِي)[1] yoki Al-Hadi masjidi (arabcha: جَامِع ٱلْإِمَام ٱلْهَادِي) — Yamanda joylashgan qadimiy Sado shahrida qad rostlagan tarixiy islomiy obidlardan biri. Ushbu bino shaharning gʻarbiy qismida joylashgan boʻlib, taxminan milodiy 897-yillar atrofida qurilgan. Yaman imomlari uni saltanat asoschisi Imom Yahyo Bin Al-Husayn sharafiga nomlashgan. Masjid Arabiston yarim orolida istiqomat qiluvchi Zaydiylar mazhabi taʼlimoti uchun eng qadimiy joylardan biri hisoblanadi.
| Masjid | |
 | |
| Al-Hadi masjidi minorasi | |
| Hudud | Janubiy Arabiston / Yaqin Sharq / Gʻarbiy Osiyo |
| Joylashuvi | Sado, Yaman |
| Koordinatalar | 16°56′20.01″N 43°45′54.07″E / 16.9388917°N 43.7650194°E G OKoordinatalari: 16°56′20.01″N 43°45′54.07″E / 16.9388917°N 43.7650194°E G O |
| Meʼmoriy uslub | Islomiy arxitektura |
| Binokorlik | ?—897 |
| Minoralar soni | 2 ta |
| Minoralar balandligi | 52 metr (171 feet) |
| Holati | aktiv |
 Al-Hadi (masjid) Vikiomborda
| |
Tarixi tahrir
Al-Hadi masjidi tuzilish jihatdan oʻziga oʻxshash boʻlgan Farvo ibn Masik va Sano masjidlaridan keyingi minora bilan birga qurilgan Yamandagi uchinchi masjiddir. U, shuningdek, muhojirunlarning uylariga tutashgan eng qadimgi masjid sifatida tavsiflanadi. 2015-yilning 9-may sanasida masjidga Saudiya Arabistoni boshchiligidagi koalitsiya tomonidan hujum uyushtirilib, jiddiy zarar yetkazilgan[1].
Arxitekturasi tahrir
Masjid markazda joylashgan, atrofi toʻrtta yo‘lak bilan oʻralgan keng hovliga ega boʻlib, uning pastga qarab tushiluvchi qismi qibla yoʻlagi hisoblanadi. Namozxonlar binoga oʻn uchta eshik orqali kirishlari mumkin. Ulardan ikkitasi asosiy darvoza tavsiflangan holda minora hovlisida qad rostlagan. Ushbu eshiklardan biri Yamandagi eng baland darvozalardan hisoblalib, balandligi 52 metrni tashkil etadi. Ikkinchi baland darvoza esa hovlining janubiy qismida boʻy choʻzgan[2]. Majmuaning fasad qismi turli meʼmoriy uslublar taʼsirida mohirona uslubda bezalgan. Shuningdek, koʻplab qabr toshlariga oʻyib yozilgan yozuvlar Yamanning islom davridagi xattotlari ijodi, qobiliyati va mahoratini aks ettiradi. Masjid devorlarining geometrik, gulli va yozuvli bezaklari xattotlar tomonidan beqiyos mukammallik asosida tasvirlangan.
Yana qarang tahrir
Manbalar tahrir
- ↑ 1,0 1,1 Noah, Browning; الغباري, محمد. „التاريخ.. ضحية من ضحايا حرب اليمن“ (arabcha). Reuters Arabic (14-may 2015-yil). 4-mart 2016-yilda asl nusxadan arxivlangan. Qaraldi: 30-iyul 2017-yil.
- ↑ Yemen NIC