Bahrom Hakimov
Bahrom Hakimov (25.02.1955; Qoʻqon, Oʻzbekiston SSR, SSSR) – sovet va oʻzbek futbolchisi, hozirda murabbiy.
| Shaxsiy maʼlumot | |||
|---|---|---|---|
| Tavallud sanasi | 25-fevral 1955-yil | ||
| Tavallud joyi |
Qo‘qon, O‘zbekiston SSR, SSSR,  SSSR,  Oʻzbekiston | ||
| Yoshligida aʼzo boʻlgan klublar | |||
|
Qoʻqon | |||
| Professional faoliyati* | |||
| Yillar | Jamoa | Isht. | (Gol.) |
| 1976—1990 |
Qoʻqon | (? (?)) | |
| Boshqargan klublari | |||
| 1991 1992—1993 1994—1995 1996 1998—1999 2000—2001 2006 2015—2016 2019 |
Avtomobilchi murabbiy Temiryoʻlchi MHSK NavroʻzTemiryoʻlchiNasaf NasafDinamo (Samarqand)Turon | ||
| *Professional klublardagi gollari (ichki chempionat) | |||
Faoliyati tahrir
Qo‘qon futbol maktabi tarbiyalanuvchisi. Hakimov asosan futbolchilik faoliyatini hozirda „Qoʻqon 1912“ deb ataladigan „Qoʻqon“ klubi tarkibida oʻtkazgan. 1991-yilda murabbiylik faoliyatini boshlagan va oʻsha yili Qoʻqonning „Avtomobilchi“ jamoasi bosh murabbiyi yordamchilaridan biriga aylangan. 1992-yil boshida „Temiryoʻlchi“(nomini oʻzgartirgan) Qoʻqon klubiga bosh murabbiy etib tayinlangan. 1993-yilning oxirigacha „Temiryoʻlchi“ jamoasini boshqargan. 1994-yilgi mavsum boshida Toshkentning „MHSK“ klubi bosh murabbiyi etib tayinlangan. Bahrom Hakimov boshchiligida „MHSK“ 1995-yilda Oʻzbekiston kubogi finaliga qadar yetib borgan va Oliy ligada ikkinchi oʻrinni egallab, mamlakat chempionati kumush medalini qoʻlga kiritgan[1].
1996-yil boshida Andijonning „Navroʻz“ jamoasiga bosh murabbiy etib tayinlanib, mavsum oxirigacha jamoani boshqargan. 1998-yilda yana Qo‘qonning "Temiryoʻlchi" jamoasiga bosh murabbiy boʻlib, ikki mavsum jamoani boshqargan. 2000-yil boshida Qarshining „Nasaf“ klubiga bosh murabbiy etib tayinlangan.
Hakimov boshchiligida „Nasaf“ oʻz tarixidagi eng yuqori natijalarga erisha boshlagan. Oʻsha mavsumda klub chempionatda 85 ochko toʻplab, oliy ligada yigirmata jamoa ichida uchinchi oʻrinni egallagan va bronza medallarini qoʻlga kiritgan. Bu Qarshi klubining oʻz tarixidagi ilk medali boʻlgan. 2001-yilgi mavsumda „Nasaf“ yana bir bor Oliy liganing uchinchi pogʻonasini zabt etgan va 2002-yilda Osiyo chempionlar kubogida ishtirok etish yoʻllanmasini qoʻlga kiritgan[2][3]. Bahrom Hakimov keyingi mavsumda „Nasaf“ni boshqarmagan. Faqat 2006-yilda kelib klub bosh murabbiyi boʻlgan va yana klub bilan chempionatda bronza medallarini qoʻlga kiritgan. 2015-yil iyul oyida Samarqandning „Dinamo“ klubiga bosh murabbiy etib tayinlangan[4][5].
Yutuqlari tahrir
Jamoaviy yutuqlari tahrir
"MHSK"bilan:
- Oʻzbekiston chempionati kumush medali sovrindori: 1995-yil
- Oʻzbekiston kubogi finalchisi: 1995-yil
"Nasaf" jamoasi bilan:
- Oʻzbekiston chempionati bronza medali sovrindori: 2000-yil
- Oʻzbekiston chempionati bronza medali sovrindori: 2001-yil
- Oʻzbekiston chempionati bronza medali sovrindori: 2006-yil
Shaxsiy yutuqlari tahrir
- Oʻzbekistonda yilning eng yaxshi futbol murabbiyi: 2000-yil
- Oʻzbekistonda yilning eng yaxshi futbol murabbiyi unvoni boʻyicha 2-oʻrin: 2001-yil
Manbalar tahrir
- ↑ „Как это было: Кубковый финал“ (deadlink). 2016-yil 4-martda asl nusxadan arxivlangan. Qaraldi: 2015-yil 2-avgust.
- ↑ „Nasaf“ podderjal avtoritet uzbekskogo futbola
- ↑ Bahrom Hakimov „Nasaf“ va „Paxtakor“ oʻyini oldidan
- ↑ Baxrom Xakimov – noviy glavniy trener „Dinamo“ (Wayback Machine saytida 2015-07-08 sanasida arxivlangan)
- ↑ „Bahrom Hakimov Samarqandning «Dinamo» klubida ish boshladi“. 2016-yil 5-martda asl nusxadan arxivlangan. Qaraldi: 2022-yil 21-iyul.