Björk

Björk (toʻliq ismi — Björk Guðmundsdóttir; talaffuzi — Byork Gudmundsdottir, 1965-yil, 21-noyabr kuni Reykyavik, Islandiyada tugʻilgan) — islandiyalik qoʻshiqchi, musiqachi, bastakor va qoʻshiq matnlari muallifi, aktrisa, koʻpgina mukofotlarning sohibi. Uning qoʻshiqlarini turli xil janr va uslublarga kiritishadi, ular ichida: pop, trip-hop, alternative rock, jazz, electronica, etnika va mumtoz musiqa.

Björk
Umumiy maʼlumot
Tugʻilgan paytidagi ismi	Björk Guðmundsdóttir
Tavalludi	21-noyabr 1965-yil (1965-11-21) Reykyavik
Fuqaroligi	Islandiya
Turmush oʻrtogʻi	Þór Eldon
Janr	alternative rock, electronica, ambient, pop, trip-hop, jazz
Amplua	vokalchi bastakor
Faoliyat yillari	1977 — bugun
Sayt	www.bjork.com

Björk kinoda

2000-yili Lars von Trierning „Qorongʻida raqsga tushuvchi“ filmi chiqadi (inglizcha: Dancer in the Dark), u yerda Björk bosh rolni ijro etadi va „Selmasongs“ nomli saundterkini yozadi. Film Kann kinofestivalida — „Oltin palma shoxi“ga sazovor boʻladi, Björkning oʻzi esa „Eng yaxshi aktrisa“ sifatida festivalning sovgʻasini oladi.

Shaxsiy hayot

Björkning ikki farzandi bor — qiz Ísadóra (Isadora, 2002, otasi — Matthew Barney) va oʻgʻil Sindri (Sindri Eldon Þórsson, 1986, otasi — Þór Eldon, Sugarcubesning sobiq ishtirokchisi).

Björk koʻp martalab paparassilar ustidan shikoyat qilgan. 1996-yili u Tailand aeroportida oʻz oʻgʻliga nisbatan provokatsion harakatlar qilgan deb hisoblagan jurnalistga hujum qilgan. Oʻsha 1996-yilning oʻzidayoq Ricardo Lopez ismli ruhiy kasal amerikalik muhlisi Björk uchun bombaning tayyorlanish jarayonini suratga oladi va unga pochta orqali yuboradi. 20 soatlik videoning ohirida u kamera oldida oʻziga qarata oʻq uzadi. Björkning hayoti posilkani qoʻshiqchiga yuborilishdan oldin topa olgan politsiya reaksiyasi tufayli saqlanib qolinadi. Aynan shu voqea taʼsiri ostida Björk 1997-yili uning ijodida burilish yasagan „Homogenic“ albomini yozadi..

Björk ismi

„Björk“ bu haqiqiy ism, sahna taxallusi yoki familiya emas. Islandlarning umuman familiyalari yoʻq. Islandiyada insonni uning ismi bilan (tugʻilgan paytida berilgan) qoʻshib otasining ismini (ayrim hollarda onasining) aytishadi. „Guðmundsdóttir“ — bu „Guðmundsdóttirning qizi“ degan maʼnoda.

„Björk“ soʻzining oʻzi (toʻgʻri talaffuzi „byork“) island tilida „qayin“ maʼnosini beradi.

Yakkahon diskografiyasi

Studiyaviy albomlar

• Björk (1977)
• Debut (1993)
• Post (1995)
• Homogenic (1997)
• Vespertine (2001)
• Medúlla (2004)
• Volta (2007)
• Biophilia (2011)
• Vulnicura (2015)
• Utopia (2017)
• Fossora (2022)

Saundtreklar

• Selmasongs (2000, „Qorongʻida raqsga tushuvchi“ filmiga saundtrek)
• Drawing Restraint 9 (2005, saundtrek)

Remikslar termalari

• Telegram (1997, remikslar albomi)
• Army of Mixes (2005)

Telegram

Bu remikslar albomi 1997-yili chiqarilgan Post albomidandir.

Taronalar roʻyxati

1. Possibly Maybe (LFO)
2. Hyper-Ballad (Brodsky Quartet)
3. Enjoy (Outcast)
4. My Spine (Evelyn Glannie)
5. I Miss You (Dobie)
6. Isobel (Deodato)
7. Youʼve Been Flirting Again
8. Cover Me (Dalinja)
9. Army Of Me (Graham Massey)
10. Headphones (Mika Vainid)

Havolalar

• Rasmiy sahifasi ^(ingl.)