Boʻyama naqsh
Boʻyama naqsh — naqshning keng tarqalgan turi; naqshlar qogʻoz, karton, ganch, yogʻoch va boshqa sathga tush va turli boʻyoqlar bilan chizib, boʻyab ishlanadi, ustidan lok surtiladi. Oʻzbekiston hududida qadimdan rivoj topgan. Yogʻoch buyumlar, mehnat kurollarining qismlari, meʼmoriy qismlar turli ranglarda boʻyab bezatilgan. Naqshlanadigan joy oʻrni va shakliga qarab Boʻyama naqsh ning koʻplab tur va xillari paydo boʻlgan. Anʼanaviy oʻzbek naqqoshligida amaliy sanʼatning boshqa sohalarida boʻlgani kabi girih va islimiy naqshlar qoʻllanilib, ularda koʻk (lojuvard), zangori, yashil, sariq, qizil, oq, qora ranglardan keng foydalaniladi. Boʻyama naqsh mujassamotlari yangi mavzu, turli xil naqshlar bilan boyitilib, tasvirli mujassamotlar bilan uygʻunlashtirilmoqda.[1]
Manbalar
tahrirAdabiyotlar
tahrir- Qosimov Q., Naqqoshlik, T., 1982.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |