Denis Ivankov
Denis Aleksandrovich Ivankov (1972-yil 17-iyun[1], Toshkent) oʻzbek futbolchisi (darvozabon). 1992-yildan Oʻzbekiston sport ustasi unvoniga ega boʻlgan. Hozirda murabbiy faoliyati bilan shugʻullanadi. 2018-yilning avgust oyidan Oʻzbekiston milliy terma jamoasida darvozabonlari murabbiyi. Mashhur oʻzbek futbolchisi va murabbiyi – Aleksandr Dmitriyevich Ivankovning farzandi.
| Shaxsiy maʼlumot | |||
|---|---|---|---|
| Toʻliq ismi | Denis Aleksandrovich Ivankov | ||
| Tavallud sanasi | 17-iyun 1972-yil | ||
| Tavallud joyi | Toshkent, Oʻzbekiston | ||
| Ampluasi | darvozabon | ||
| Klub maʼlumoti | |||
Joriy klub |
 Oʻzbekiston | ||
| Raqami | Darvozabonlar murabbiyi | ||
| Professional faoliyati* | |||
| Yillar | Jamoa | Isht. | (Gol.) |
| 1990 |
 Orol Nukus | 25 | (0) |
| 1990 |
Sohibkor | 1 | (0) |
| 1991 |
Chiqchiq | 31 | (0) |
| 1992 |
Paxtakor | 3 | (-1) |
| 1992—1993 |
Nurafshon | 7 | (-5) |
| 1994—1995 |
Paxtakor | 9 | (-6) |
| 1995 |
Neftchi | 2 | (-3) |
| Boshqargan klublari | |||
| 2004 |
Kimyogar D.r Murabbiy | ||
| 2005—2006 |
Mash’al D.r Murabbiy | ||
| 2006 |
Paxtakor D.r Murabbiy | ||
| 2007—2008 |
 Knyaja D.r Murabbiy | ||
| 2009—2012 |
Mash’al D.r Murabbiy | ||
| 2013—2018 |
Nasaf D.r Murabbiy | ||
| 2018—2022 |
Oʻzbekiston D.r Murabbiy | ||
| 2022—2023 |
Paxtakor D.r Murabbiy | ||
| 2024— |
 Legiya D.r Murabbiy | ||
|
*Professional klublardagi gollari (ichki chempionat) (1996-yil 1-yanvar uchun) | |||
Faoliyati
tahrir1972-yilda Toshkent shahrida taniqli oʻzbek futbolchisi va murabbiyi – Aleksandr Ivankov oilasida tugʻilgan. Toshkent shahridagi respublika sport maktab-internati tarbiyalanuvchisi. Birinchi murabbiyi Anatoliy Yoʻldoshevich Shodimatov.
1990-yilda 18 yoshida Nukusning „Orol“ jamoasida oʻynay boshladi. Oʻsha yilning ikkinchi yarmida Xalqobodning „Sohibkor“, 1991-yilda esa shu nomdagi shaharning „Chirchiq“ jamoasi safida toʻp surgan. 1992-yilning birinchi yarmida Toshkentning „Paxtakor“ jamoasi tarkibida oʻynagan. 1992-1993 yillarda Buxoroning „Nurafshon“ jamoasida, 1994-1995 yillarda esa yana Toshkentning „Paxtakor“ jamoasida toʻp surgan. 1995-yilda 23 yoshida Farg‘onaning „Neftchi“ jamoasi tarkibida professional faoliyatini yakunladi.
Faoliyatini yakunlaganidan soʻng Denis havaskorlar davrasida oʻynadi, shuningdek, murabbiylik sohasida ham tahsil oldi. Ivankov bir muddat Italiyada yashadi.
Murabbiylik faoliyati
tahrir2004-yilda Chirchiqning „Kimyogar“ klubi murabbiylar shtabida faoliyat yuritgan. Keyingi bir yarim yil ichida Muborakning „Mash’al“ klubida ishlagan. 2006-yilda Toshkentning „Paxtakor“ klubi murabbiylar shtabida faoliyat yuritgan. 2007-2008 yillarda Ukrainaning „Knyaja“ klubi murabbiylar shtabida faoliyat olib borgan[2][3][4]. 2009-2012 yillarda yana Muborakning „Mash’al“ jamoasida darvozabonlar murabbiyi lavozimida ishlagan. 2013-2018 yillarda Qarshining „Nasaf“ klubida ham xuddi shunday lavozimda ishlagan[5].
2018-yilning avgust oyidan Oʻzbekiston terma jamoasida darvozabonlar murabbiyi sifatida faoliyat yuritib kelmoqda[6][7][8]. 2020-yildan „Paxtakor“ jamoasida darvozabonlar murabbiyi sifatida ishlagan[9][10]. 2024-yil 31-yanvar Polshaning „Legiya“ jamoasi bilan shartnoma imzolagan va Polsha jamoasida darvozabonlar murabbiysi sifatida faoliyatini boshlagan[11].
Yutuqlari
tahrir- Oʻzbekiston chempioni (2 karra): 1992, 1995 (futbolchi sifatida).
- 1995-yil Oʻzbekiston kubogi yarim finalchisi (futbolchi sifatida).
- 2015-yil Oʻzbekiston kubogi sohibi (murabbiy sifatida).
- 2016-yilgi Oʻzbekiston Superkubogi sohibi (murabbiy sifatida).
- 2017-yilgi Oʻzbekiston chempionati kumush medali sovrindori (murabbiy sifatida).
- Oʻzbekiston chempionati bronza medali sohibi (4 karra): 2013, 2014, 2015, 2016 (murabbiy sifatida).
- Oʻzbekiston kubogi finalchisi (3 karra): 2012, 2013, 2016 (murabbiy sifatida).
- China Cup xalqaro turnirining bronza medali sovrindori: 2019 (murabbiy sifatida).
Manbalar
tahrir- ↑ „O'zbek futboliga ko'plab darvozabonlarni etishtirib berayotgan Denis Ivankov 50 yoshda“ (2022-yil 17-iyun).
- ↑ „footboom.com — Денис Иванков покинул "Насаф" ради сборной Узбекистана“. 2020-yil 9-iyunda asl nusxadan arxivlangan. Qaraldi: 2019-yil 13-iyun.
- ↑ „sport.ua — Левченко стал главным в Княжей“. 2020-yil 9-iyunda asl nusxadan arxivlangan. Qaraldi: 2019-yil 13-iyun.
- ↑ „championat.asia — Суҳбат майдончаси. ДЕНИС ИВАНКОВ: "Насаф" - бу менинг уйим"“. 2020-yil 9-iyunda asl nusxadan arxivlangan. Qaraldi: 2019-yil 13-iyun.
- ↑ „Denis Ivankov "Nasaf"dan ketdi“ (2019-yil 29-yanvar).
- ↑ „Denis Ivankov O'zbekiston terma jamoasida ishlaydi“ (2018-yil 14-avgust).
- ↑ „"Nasaf"ning 6 yillik murabbiyi jamoadan ketishi mumkin“ (2018-yil 22-dekabr).
- ↑ „«Сборная Узбекистана провела первую тренировку с Эктором Купером»“. 2019-yil 16-iyunda asl nusxadan arxivlangan. Qaraldi: 2019-yil 16-iyun.
- ↑ „"Paxtakor" Denis Ivankov bilan shartnoma imzoladi“ (2020-yil 19-iyul).
- ↑ „Denis Ivankov bir yildan keyin yana "Paxtakor"ga qaytdi“ (2022-yil 17-yanvar).
- ↑ „O'zbekistonlik murabbiy Latviyada ish boshladi“ (2024-yil 31-yanvar).
Adabiyotlar
tahrir- Viktor Xoxlyuk. „Nashi vratari mogut stat luchshimi v Azii“. – Yejenedelnik „Interfutbol“. – № 21 (489), str. 3. Tashkent. May 2018 goda.