Lansetniklar
Lansetniklar (Branchiostoma, yaʼni Amphioxus) – bosh skeletsizlar kenja tipiga mansub xordalilar sinfi. Uzunligi 8 sm gacha, tanasi lansetsimon, och pushti rangli shaffof; xordasi tanasining oldingi uchigacha yetadi. 11 turi bor. Tipik vakili lansetnik moʻtadil va iliq suvli dengizlarda 10–30 sm chuqurlikda koʻmilib yashaydi; qumdan tanasining oldingi qismi chiqib turadi. Plankton bilan oziqlanadi. Dum suzgichi lansetga oʻxshash. Terisi yalangʻoch, tangachalar bilan qoplanmagan. Dum suzgichidan boshqa suzgichlar boʻlmagani uchun faol harakatlanmaydi. Ogʻiz teshigi paypaslagichlar bilan oʻralgan. Koʻrish va eshitish organlari boʻlmaydi. Jabra yoriqlari 100 juft. Terisi ostida joylashgan Gess koʻzchalari yordamida yorugʻlikni sezadi. Ayrim jinsli. Uvildirigʻini suvga tashlaydi, tuxumlari suvda urugʻlanadi. Lichinkasi erkin suzib yuradi. Lansetniklarni ilk bor 1774-yilda rus olimi Peter Simon Pallas topgan va uni mollyuska sifatida tavsiflangan. Aleksandr Kovalevskiy lansetniklarni eng tuban tuzilgan xordali hayvonligini koʻrsatib bergan. Lansetniklar koʻpchilik dengizlarda, jumladan, Qora dengizda ham uchraydi. Lansetniklar sanoat ahamiyatiga ega emas. Mahalliy xalqlar isteʼmol qilishadi. Lansetniklar xordalilarning kelib chiqishini tushuntirishda nazariy ahamiyatga ega. Qon aylanish sistemesi barcha xordalilariniki singari yopiq boʻladi. Lekin qon yagona qon aylanish sistemasi boʻylab harakatlanadi. Asosiy qon tomirlari qorinva aortalardan iborat[2].
.jpg) Branchiostoma lanceolatum (Belgiya) | |
| Binar nomi | |
|---|---|
|
(Costa, 1834) | |
| Xilma-xillik | |
| Taxminan 11 ta tur | |
| Sinonimlari | |
|
Manbalar
tahrir- ↑ „Report of the United States Commissioner of Fisheries for the fiscal year 1928 with appendixes — Part II“ (1928). Qaraldi: 18-avgust 2017-yil.
- ↑ OʻzME. Birinchi jild. Toshkent, 2000-yil
Havolalar
tahrirWikimedia Commonsda Lansetniklar mavzusiga oid fayllar bor. - Branchiostoma (ingl.)
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.
Hayvon haqidagi ushbu maqola chaladir. Siz uni boyitib, Vikipediyaga yordam berishingiz mumkin.
.png){kind=small}