'''Narva''' — Estoniyadagi shahar. Narva daryosining chap sohilida, uning Fin qoʻltigʻiga quyilish joyidan 14 km uzoqlikda. T.y.Temir yoʻl stansiyasi. Aholisi 83 ming kishi (1990-y.lar oʻrtalari). Shahar sanoatining asosiy tarmoklari — energetika, toʻqimachilik, qurilish materiallari ishlab chiqarish. N. yaqinida mahalliy slanetsda ishlaydigan Boltiq boʻyi GRES, Estoniya GRES ishlab turibdi. GES bor. Yirik ip gazlama korxonasi — Krengolm manufak-turasi, yogʻochsozlik, mashinasozlik, metallsozlik, oziq-ovqat va b. sanoat korxonalari faoliyat koʻrsatadi. N. koʻprik orqali Ivangorod (Leningrad viloyati) bilan bogʻlangan. Politexnikum, tarix muzeyi mavjud. Shahar ilk bor 1171 y.gi Novgorod solnomasida Rugodiv nomi bilan tilga olingan. Daniya, Shvetsiya Livon ordeni tasarrufida boʻlgan. 1704 y.da rus qoʻshinlari tomonidan ishgʻol qilindi. 1919 y.dan N. Estoniya tarkibida. Shaharda tarixiy meʼmoriy yodgorliklardan: qasr (13—15-a.lar), shahar istehkomlari (14-a.), ratusha (17-a.) saqlangan. <ref>[[OʻzME]]. Birinchi jild. Toshkent, 2000-yil</ref>
