Barter: Versiyalar orasidagi farq

'''Barter''' (ing . barter — tovar ayirboshlash), muoʼvaza — valyutasiz (pul vositalari ishtirokisiz) bevosita tovar ayirboshlash; muayyan tovar (tovarlar) miqdorining qiymati boʻyicha muqobil boʻlgan boshqa tovar miqdoriga almashtirish shartnomasi. Koʻproq rivojlanmagan tovar munosabatlari, oʻtish davri uchun xos boʻlgan kelishuv. 2-jahon urushidan keyingi davrdagi erkin konvertirlanadigan (almashtiriladigan) valyuta kursi barqaror boʻlmagan, valyuta zaxiralari chegaralangan sharoitda jahonning koʻpgina mamlakatlarida qoʻllanildi va u xalqaro savdo hamda boshqa iqtisodiy munosabatlarda keng tarqaldi. B.ning bevosita ayirboshlash, kompensatsiyali kelishuvlar, kliring kabi shakllari mavjud. Tashqi savdoda B. bitimi koʻproq qoʻllanadi. 90-y.lar boshidan mamlakat ichkarisida ham korxonalar oʻrtasida ancha keng tarqaldi. B. bitimiga binoan kelishgan tomonlar oʻz tovarlarini maʼlum narxda baholaydilar. Bu narx ayirboshlashning teng boʻlishini, tovarlarni yetkazib berish b-nbilan bogʻliq boʻlgan barcha sarf-harajatlarni oʻz ichiga oladi. Bir tomon ikkinchisiga qarzdor boʻlib qolsa, u oʻz qarzini valyuta b-nbilan emas, balki tovarlar b-nbilan uzadi. Tovar qiymatlarining tengligi jahon bozori narxlari orqali taʼminlanadi. B. bitimlari ikki tomonlama yoki koʻp tomonlama boʻlishi mumkin.<ref>[[OʻzME]]. Birinchi jild. Toshkent, 2000-yil</ref>