Tarim: Versiyalar orasidagi farq

'''Tarim''' — [[Xitoy]]ning gʻarbiy qismidagi [[daryo|dare]]. [[Kunlun]], [[Qoraqurum]], [[Tyan-Shan|Tyanshan]] va [[Pomir]] [[togʻlar]]idan boshlanuvchi [[Yorkenddaryo]], Oqsuv va [[Xoʻtan]] daryolarining qoʻshilishidan hosil boʻladi. [[Uzunlik|Uzunligi]] Yorkend daryosi boshlangan joyidan 2030 km, [[Markaziy Osiyo]]da eng uzun dare. [[Daryo havzasi|Havzasi]]ning mayd. 1 mln. km². Ancha masofada [[Qashqar tekisligi|Qashqar (Tarim) tekisligi]]ning gʻarbiy va shim. chekkasidan oqadi. Eng sersuv [[irmoq|irmogʻi]] — Oqsuv. Yorkenddaryo va Xoʻtan daryosi baʼzi yillari qurib qrladi. T. oʻrta va quyi oqimida juda sertarmoq, asosiy oʻzani ham teztez oʻzgarib turadi. [[Delta]]si murakkab tuzilgan boʻlib, [[Koʻnchidaryo]]ga tutashgan. T.ning asosiy qismi Koʻnchidaryoga oqqan yili [[Lobnor]] [[koʻl]]ining maydoni kengayadi, aksincha Koʻnchidaryo suvi T.ga oqqan yili Lobnor kichrayib yoki butunlay qurib, [[Qoraboʻronkoʻl|Krraboʻronkoʻlning]] maydoni kengayadi. Qadimda T.ga [[Qashqar]], Tiznaf, Keriya daryolari ham quyilgan. T. qor va yomgʻirdan, yuqori oqimida [[muzlik]]dan suv oladi; may oyidan sent.gacha sersuv boʻladi. Oʻrta oqimida eng yuqori suv sarfi 2500 m³/sek. Daryo qishda muzlaydi. Baliqqa boy. Suv [[parrandalar|parrandasi]] koʻp. T. suvidan ekinzorlarni sugʻorishda foydalaniladi.