Sperma: Versiyalar orasidagi farq

[[Tasvir:Sperma.jpg]]'''Sperma''' (yun. sperma — urug , pusht), shahvat — odamda jinsiy alokada erkaklardan, shuningdek, erkak hayvonlardan ajraladigan suyuklik; erkaklik jinsiy bezlari ishlab chiqaradi. Quyuq, och kulrang , yopishqoq, hidli, S. spermatozoid va urugʻ suyuqligʻidan iborat. S. tarkibida oqsillar, yogʻlar, uglevodlar, kalsiy, kaliy, natriy tuzlari va b. organik, anorganik moddalar boʻladi. S. balogatga yetish davrida paydo boʻlib, voyaga yetganda koʻpayadi va yosh ulgaygan sari kamaya boradi. Har bir jinsiy aloqada ajralgan S. miqdori har xil turlarda turlicha: odamda 2—6 ml, buqada oʻrtacha 4—5 ml, otda 60—100 ml, choʻchqada 250 ml gacha, qoʻchqorda 1 — 1,5 ml. S.dagi spermatozoid mikdori hayvonlarning yashash sharoitiga qarab ham har xil (qoʻchqorda 30% ga, buqada 14% ga yaqin, ot va choʻchqada 7—8%) boʻladi. S.ning urugʻlantirish taʼsiri spermatozoidning mikdori va sifatiga bogʻliq. Organizmning baʼzi patologik holatlarida S.da spermatozoid boʻlmasligi (azoospermiya), mikdorining kamayishi (oligospermiya), harakatsiz (nekrospermiya) yoki gʻayritabiiy holatda (teratospermiya) boʻlishi mumkin. S. bepushtlik sababini aniqlashda sud tibbiy ekspertizasida tekshiriladi. S. sifatini baholash, uni suyultirish, saklash, tashish va olish usullari qishloq xoʻjaligi. hayvonlarini sunʼiy qochirishda muhim ahamiyatga ega.