Suyak: Versiyalar orasidagi farq

'''Suyak''' — odam va umurtqali hayvonlar skeletining asosiy qismi. Suyak toʻqimasi biriktiruvchi toʻqimaning bir xili. S. boʻgʻimlar, boylamlar, muskullar va oʻziga birikkan paylar bilan birga tayanchharakattayanchharakatg apparatini hosil qiladi. S. hujayralar (osteotsitlar, osteoklastlar) va hujayralar oraligʻi mineral moddalardan tarkib topgan. Osteotsitlar hujayralar oraligʻi moddasi bilan oʻralgan; oʻsimtalar yordamida oʻzaro tutashgan; S. toʻqimasida moddalar (oqsil, suv, ion) almashinuvini, osteoblastlar esa S.lar hosil boʻlishini, ularning soʻrilish (rezorbsiya) jarayonini taʼminlaydi. Osteoblastlar va osteoklastlarning birgalikda taʼsiri S. ning oʻsishi va funksional zoʻriqishi oʻzgarishining asosini tashkil etadi. Hujayralararo modda kollagen (ossein) tolalar va asosiy moddadan iborat, bu moddalar S.ning pishiq va mustahkam boʻlishini taʼminlaydi. Suya k toʻqimasi kollageni oʻziga xos polipeptidlarning koʻpligi bilan togʻaydan farq qiladi. Asosiy modda glikoproteidlar va proteoglikanlardan tashkil topgan. Mineral komponenta apatit, sulfat va kalsiy karbonat kristallaridan iborat. S. embrional rivojlanish davrida biriktiruvchi toʻqima — mezenximadan hosil boʻladi. Birlamchi S. ichki togʻay skeletning suyaklanishidan (yelka, son va b.), ikkilamchi S. teri osti tangachalaridan (peshona, tepa va b. S.) vujudga keladi.