'''Abu bakrBakr siddiqSiddiq''' (to‘liq nomi - Abu Bakr Siddiq Abdulloh ibn Abu Qahhofa ibn Omir; 571 — 634) — [[Muhammad (sav)]] da’vati bilan islomni birinchilardan bo‘lib qabul qilgan, dastlabki to‘rt xalifadan birinchisi (632—634). Muhammad(sav)ning eng yaqin safdoshi, qaynotasi (Oyshaning otasi). Yirik savdogar. [[Makka]]ning [[quraysh]] qabilasidan. [[Islom]]ga kirishdan oldin ismi Abdulka’ba edi. Abdullo ismini [[Muhammad (sav)]] qo‘ygan. Siddiq deb atalishiga sabab shuki, isro va me’roj hodisasini eng birinchi bo‘lib tasdiqlagan. Muhammad payg‘ambar (sav) unga Siddiq, ya’ni imoni kuchli deb laqab berdi. [[Makka]]dan [[Madina]]ga hijrat qilishda Muhammad(sav)ga hamroh, g‘orda hamnishin bo‘ldi. Badr, Uhud, Handaq, Xudaybiya va b. joylardagi janglarda ishtirok etdi. A. B. S. obro‘li va badav-lat kishi bo‘lgani uchun ko‘p odamlarga yordam qildi, chunonchi, Bilol Habashiyni qullikdan sotib olib, ozod etdi. Muhammad(sav) vafotidan keyin birinchi xalifa bo‘lib saylandi (632). Arab qabilalarining Madina hokimiyatiga qarshi ko‘targan qo‘zgolonlarini bostirdi. A. B. S xalifaligi davrida arablar [[Iroq]] va [[Suriya]]ni fath qildi. A. B. S Madinada vafot etdi va Muhammad (sav) yoniga dafn qilindi.
