Aleksey Kozlovskiy: Versiyalar orasidagi farq

'''Kozlovskiy Aleksey Fyodorovich''' (1905.15.10, Kiyev - 1977.3.1, Toshkent) — kompozitor, dirijyor, pedagog . Oʻzbekistonda xizmat koʻrsatgan sanʼat arbobi (1944), Oʻzbekiston xalq artisti (1955), prof. (1958). Moskva konservatoriyasini tugatgan (1931). 1936 y.dan Toshkentda yashagan. Oʻzbek davlat musiqali (keyinchalik Oʻzbek opera va balet) teatri dirijyori (1938-41), Oʻzbek davlat filarmoniyasi simfonik orkestrining badiiy rahbari va bosh dirijyori (1949—I 63). 1944 y.dan Toshkent konservatoriyasida oʻqituvchi, kafedra mudiri (1949—54 va 1962—77). H.Nosirova ijrosida xalq, ashulalaridan "Figʻon", "Gul yuz oʻzra", "Oʻzgancha" va "Tanavor"ni yozib olib, ularni ayni shu xonanda ovozi va simfonik orkestr uchun nihoyatda yuqori badiiy saviyada qayta ishlagan (1937). "Ulugʻbek" operasi (1942, yangi tahriri — 1958), "Tanavor" baleti (1971), "Davron ota" (T.Sodiqov b-nbilan, 1941), "Sherali" (S.Vasilenko, M.Ashrafiy b-nbilan, 1942) musiqali dramalari, "Lola" simfonik syuitasi (1937), vokal-simfonik, kamercholgʻu asarlar, oʻzbek xalq cholgʻulari uchun asarlar, qator spektakllarga, "Tohir va Zuhra" (1945), "Nasriddinning sarguzashtlari" (1946) badiiy filmlariga musiqalar yozgan. Kompozitorlik mahorati oʻzbek kuylarini teran badiiy ifoda vositalari bilan uygʻunlashtirishda, yetuk opera, balet, simfonik asarlarida Yevropa va Sharq musiqa xususiyatlarini uzviy bogʻlashida namoyon boʻlgan. Hamza nomidagi Oʻzbekiston Davlat mukofoti laureati (1973).