'''Musamuhamedov Rizamat''' (1881.24.2 - Toshkent - 1979.13.3) -sohibkor bogʻbon, uzumchilik amaliyoti novatori. Oʻzbekistonda xizmat koʻrsatgan agronom (1971), Oʻzbekistonda xizmat koʻrsatgan sohibkor (1935), Mehnat Qaxramoni (1962). 1893—47 y.lardayillarda Toshkent sh. va Toshkent viloyatida uzumchilik xoʻjaliklarida sohibkor boʻlib ishlagan. Toshkent viloyati q.x.qishloq xoʻjaligi boshqarmasida tokchilik boʻyicha yoʻriqchi (1947 — 50), Oʻzbekiston Qishloq xoʻjaligi vazirligida bogʻdorchilik va tokchilik boʻyicha bosh agronom (1950). Bogʻ va tokzorlar barpo etish, tokka shakl berish, tok kesish, tokzorlarni qayta tiklash va tok oʻstirish, hosildorlikni oshirishning yangi va ilgʻor usullarini ishlab chiqqan. M. rahbarligida Oʻrta Osiyo va Qozogʻistonda 3250 ga namunali bogʻ va tokzorlar barpo etilgan. "Tokchilik boʻyicha qoʻllanma" (1939) "Moʻl uzum hosili yetishtirishdagi tajribalarim" (1959) kabi kitoblar muallifi. Oʻzbekiston oʻsimlikshunoslik institutida chiqarilgan va Oʻzbekiston, Tojikistonda r-nlashtirilgan serhosil tok navi M. sharafiga Rizamat deb atalgan. M. haqida "Gulga burkangan hayot" (1961), "Rizamat otaning 100 bahori" hujjatli filmlari yaratilgan. Toshkent viloyati Qibray tumanidagi uzumchilik, Sirdaryo viloyati Oqoltin tumanidagi bogʻdorchilikuzumchilik shirkat xoʻjaliklariga, Toshkent sh.dagishahridagi koʻchalardan biriga M. nomi berilgan.<ref>[[OʻzME]]. Birinchi jild. Toshkent, 2000-yil</ref>
