'''Olabugʻa baliqlar''' (Perciformes), '''okunsimonlar''' — [[suyakli baliqlar|suyakli baliklar]] turkumi. Uz. 1 sm dan 5 m gacha, vazni grammning bir necha ulushidan 900 kg gacha. Kupchiligining suzgich pufagi bor. Suzgichlari tikanli, orqa suzgichi 2, qorin suzgichlari 6 yoki kamroq nurli. Tangachalari ktenoidli, baʼzan sikloidli, ular modifikatsiyasidan iborat yoki boʻlmaydi. 149 oila, 1200 urugʻ va 6500 ga yaqin turi bor. Barcha dengiz, okean va chuchuk suvlarda tarqalgan. O.b.Olabugʻa baliqlar baliqlarning eng yirik turkumi, barcha maʼlum turlarning 40%ini uz ichiga oladi. Barcha dengizlarning sohil boʻyi suvlarida stavridalar, dengiz itchalari, xoʻkizchalar, serransimonlar, gubanlar; ochiq dengizlarda tunetslar, yelkanlilar, korifenlar va b.boshqa kengtarqalgan. [[Yevrosiyo]] va [[Shimoliy Amerika|Shim. Amerika]] suvlarida olabugʻalar, [[Afrika]] va [[Janubiy Amerika|Jan. Amerika]]da sixlidalar, Shim. Amerikada sentdarxidlar, [[Janubiy Osiyo|Jan. Osiyo]] va Afrikada labirintlilar koʻp uchraydi. Oʻzbekistonda O.b.ningOlabugʻa baliqlarning 4 oilasi (buka baliqlar, aterinlar, olabugʻalar, toshbuqalar), 9 urugʻi va 13 turi tarqalgan. Oddiy olabugʻa va oq yela [[Amudaryo|Amu]] va [[Sirdaryo (daryo)|Sirdaryo]]ning quyi oqimlarida, [[Orol dengizi]]da yashaydi. Koʻpchilik O.b.Olabugʻa baliqlar Orol dengizi bilan bogʻliq boʻlgan. Bir qancha O.b.Olabugʻa baliqlar sanoat miqyosida ovlanadi, sunʼiy suv havzalarida koʻpaytiriladi.<ref>[[OʻzME]]. Birinchi jild. Toshkent, 2000-yil</ref>