MOLOTOV (Skryabin) Vyacheslav Mixaylovich (1890.25.2, Kirov viloyati Nomensk sh.shahri — 1986.8.11, Moskva) — SSSR siyosiy arbobi, Oktyabr toʻntarishini amalga oshirishda faollik qilgan. 1918 yildan partiya va sovet idoralarida masʼul lavozimlarda ishladi: 192157 yillarda partiya MK aʼzosi; Ukraina KP(b) MK kotibi (1920-21), VKP(b) MK kotibi (1921-30). 1930-41 yillarda SSSR XKS raisi, 1941-57 yillarda SSSR XKS (MS) ra-isining 1-oʻrinbosari, ayni vaqtda 1941—45 yillarda Davlat mudofaa komiteti raisi oʻrinbosari. 1939—49 va 1953—56 yillarda SSSR tashqi ishlar xalq komissari, tashki ishlar vaziri. 1957 yildan Mongoliyada elchi. I.V.Stalinning yaqin safdoshlaridan biri. M. 20-a.ningasrning 30—50-yillarining boshidagi ommaviy qatagʻonlarning faol tashkilotchilaridan hisoblanadi. 50-yillar oʻrtalarida Stalin shaxsiga sigʻinishning tanqidiga qarshi chikdi. 1962 yildan keyin siyosiy faoliyatini toʻxtatgan.<ref>[[OʻzME]]. Birinchi jild. Toshkent, 2000-yil</ref>
