Quljuqtov: Versiyalar orasidagi farq

'''Quljuqtov''' — [[Navoiy viloyati]]dagi [[togʻlar|togʻ]]. [[Qizilqum]]dagi qoldiq togʻlardan biri, Jan. Qizilqumning chekka qismida. q. nisbatan past togʻ boʻlib, eng baland joyi 785 m. Geologik jihatdan Q. [[paleozoy]] davrining [[ordovik]] vulkanogen terrigen va qisman, [[karbonatli jinslar|karbonat jinslar]]idan hamda [[Silur davri|silur]], [[devon sistemasi|devon]], quyi [[karbon]] davrlarining karbonatli, oʻrta va yuqori karbonning vulkanogen-terrigen yotqiziqlaridan tashkil topgan. Yuza qismi paleozoy davrining [[granit]], [[alevrolit]] kabi jinslari bilan qoplangan. Iqlimi keskin kontinental. q. quruq va issiq iqlim sharoitida ekzogen jarayonlarga koʻproq duch kelgan, natijada yemi-rilib pasayib qolgan. Uning shim. yon bagʻri qiya va koʻplab quruq oʻzanlar bilan kesilgan. Bahorda bu oʻzandan qisqa muddat suv oqadi. Iyulda eng yuqori temperatura 48°, yanvar da eng past temperatura —28,5°. Yillik oʻrtacha temperatura 15,2°. Yillik yogʻin 104 mm. [[Foydali qazilmalar]]dan [[oltin]], [[grafit]], [[volfram]] va boshqa bor. Togʻ etaklarida qumloq tuproq va mustahkamlangan qum uyumlari mavjud. Shuvoq, boyalich, soy etaklarida esa yulgʻun uch-raydi. Hayvonlardan [[qoʻshoyoqlar|qoʻshoyoq]], [[tulki]], [[chiyaboʻri]], [[kaltakesak]], [[toshbaqa]], [[charx ilonlar|charx ilon]], [[koʻzoynakli ilon]], togʻ etaklarida yumronqoziq yashaydi. q. va uning etagidagi yerlardan chorvachilik uchun yaylov sifatida foydalaniladi.