'''ASTURIAS (AkShpav) Migel Anxel''' (1899.19.10 - Gvatemala — 1974.9.6) — gvatemalalik jurnalist, yozuvchi va shoir. 1925—33 y.lar Yevropada emig-ratsiyada boʻlgan. "Gvatemala afsonalari" (1930) kitobida mayya qabilasi mifologiyasini sheʼriy yoʻlda aks ettirgan. "Senor prezident" (1946) romanida zulmga asoslangan rejimni fosh qilgan. A.ning dunyoga tanitgan roman-trilogiyasi 20-asr Gvatemala xalqining ozodlikka erishish yoʻlidagi kurashi gʻoyalari bilan sugʻorilgan ("Kuchli shamol", 1950; "Yashil Papa", 1954; "Dafn etilganlar koʻzi", 1960). "Joʻxori odamlar" (1949), "Mulat ayolning oʻzginasi" (1964), "Lid Sol koʻzgusi" (1967) romanlari ham bor. A. ijodiga Gvate-maladagi mahalliy aholi (mayyalar) urf-odatlari, folklori sezilarli taʼsir koʻrsatgan. Nobel mukofoti laureati (1967)<ref>[[OʻzME]]. Birinchi jild. Toshkent, 2000-yil</ref>.