Qishloq xoʻjaligining yetakchi tarmogʻi — chorvachilik, asosan, goʻshtsut chorvachiligi va choʻchqachilik, yilqichilik (chopqir zotlari), parrandachilik. Zigʻirkorlik, kartoshkachilik, sabzavotchilik muhim oʻrin egallaydi.
Transport yoʻli uz. 1258 km. Muhim t.y.temir yoʻl magistrallari Moskva—Smolensk—Minsk, Bryansk—Smolensk—Vitebsk. Yirik t.y.temir yoʻl tugunlari: Smolensk, Vyazma, Roslavl. Qattiq qoplamali avtomobil yoʻllari 8828 km, Moskva—Minsk avtomagistrali Smolenskdan 7 km naridan oʻtadi. Dneprda kemalar qatnaydi. 5 oliy oʻquv yurti (tibbiyot, ped. va jismoniy tarbiya intlari, Moskva Energetika instituti, Timiryazev nomidagi Moskva Qishloq xoʻjaligi akademiyasi filiallari), 4 muzey [tasviriy va amaliy sanʼat, viloyat oʻlkashunoslik, tarixiy-badiiy muzeylari, Gagarindagi Yu.A.Gagarin muzeyi (kosmonavt tugʻilgan Klushino qishlogʻida)], 2 teatr, viloyat televideniyesi va radioeshittirish tahririyati faoliyat koʻrsatadi. 10 sanatoriy, 2 dam olish uyi bor.
