'''Moʻgʻul yozuvi''' — uygʻur alifbosi asosida yaratilgan [[yozuv]] (q.qarang [[Uygʻur yozuvi]]). Moʻgʻul yozuvining dastlabki [[yodgorlik]]lari 13-asrga mansub: [[Chingizxon]] toshidagi yozuv (1225), [[elxon]] Argʻunning maktubi (1289). Yozuvning yoʻnalishi yuqoridan pastga, qatorlar chapdan oʻngga qarab oʻqilgan. [[Belgi (soʻz)|Belgi]]lari polifonik [[xususiyat|xususi-yat]]ga ega, yaʼni bir belgi bir necha to-vushni ifodalagan. Baʼzi belgilar, [[soʻz]]dagi oʻrniga qarab, 2 yoki 3 xil shaklga ega boʻlgan. Alifbo 20 ta asosiy va 8 ta [[qoʻshimcha]] [[harf]]lardan iborat. Ularning hammasi uygʻur alifbosidagi 14 ta asosiy belgining hosilalari hisoblanadi. Moʻgʻul yozuvi oʻzining paydo boʻlgan davridan boshlab, undagi belgilarning polifonik xususiyati tufayli, barcha [[moʻgʻullar|moʻgʻul]] [[qabila]]lari uchun umumiy yozuvga aylanib, 16— 17-asrlar oraligʻida unga ayrim oʻzgarishlar kiritilgan. Moʻgʻul yozuvi [[Buryatiya]] ([[Rossiya Federatsiyasi]])da 1931 yilgʻacha, [[Mongoliya]]da 1945 yilgacha (rus alifbosiga oʻtilguncha) qoʻllangan.<ref>[[OʻzME]]. Birinchi jild. Toshkent, 2000-yil</ref>
