'''Abbos I''' (1571-1629) —– Eron shohi (1587—16291587–1629), sarkarda. [[Safaviylar]]dan. A. I oʻz hukmronligining dastlabki yillaridayoq mamlakatdagi ichki tarqoqlikka barham berib, markazlashgan davlat tuzishga kirishgan; muntazam qoʻshin tuzib, [[Ozarbayjon]] va [[Xuroson]] (1598), [[Bahrayn]] o.lari (1602), [[Qandahor]] (1621), [[Hoʻrmuz]] o. (1622) va [[Irok]], (1623) ni egallagan. A.I davrida poytaxt [[Qazvin]]dan [[Isfahon]]ga koʻchirilgan (1598), yangi shaharlar, yoʻllar, koʻpriklar, karvon saroylar, qasrlar qurilgan, koʻplab ariqlar qazilgan. A.I [[Buxoro xonligi]], [[Rossiya]], [[Angliya]], [[Avstriya]], [[Ispaniya]], [[Niderlandlar|Gollandiya]] va boshqa davlatlar bilan elchilik munosabatlarini oʻrnatgan. A.I davrida Eron kuchli markazlashgan davlatga aylangan. Eronda uni "buyuk" deb eʼzozlashadi.<ref>[[OʻzME]]. Birinchi jild. Toshkent, 2000-yil</ref>
