'''JOLIO-KYURI (Joliot-Curie) Iren''' (1897.12.9 - [[Parij]] - 1956.17.3) -fransuz fizigi va radiokimyogari. P. Kyuri va M. Sklodovskaya-Kyurilarning qizi. 1926 yilda F. Jolio-Kyuriga turmushga chiqqan va shundan boshlab umrining oxirigacha birgalikda i.ilmiy t.lartadqiqotlar olib borganlar. Ilmiy ishlari radioaktivlik, yadro fizikasi va yadro kimyosiga oid. 1934 yilda F. Jolio-Kyuri bilan hamkorlikda sunʼiy radioaktivlik hodisasini ochgan. Yugoslav fizigi P. Savich bilan hamkorlikda 1939 yilda neytronlar bilan uranni nurlash tufayli hosil boʻlgan yadroviy reaksiya mahsuli — lantan hosil boʻlishini aniqlagan (avval transuran element deb tushunilgan). Bu ishi yadroning boʻlinish reaksiyasini kashf qilishda muhim boʻlgan. Kimyoviy elementlarning sunʼiy radioaktiv izotoplarini, pozitron radioaktivlikni kashf qilgan. [[Nobel mukofoti]] laureati (1935).<ref>[[OʻzME]]. Birinchi jild. Toshkent, 2000-yil</ref><ref>[http://www.nobelprize.org/ Nobel mukofoti sovrindorlari]</ref>
