'''Zebralar''', Afrika yovvoyi otlari (Equus) — otlar kenja urugʻi. Tanasining uz. 200—240 sm, boʻyi yagʻrinidan 120—140 sm, dumi — 47— 54 sm, vazni 350 kg gacha. Tanasining rangi — oq va qora koʻndalang yoʻlyoʻl chizikdi (himoya rangi). Yoli kalta va tik, dumining uchida uzun qillardan iborat popugi bor. Ochiq dashtlarda 10—30 tadan poda boʻlib yuradi. Juda ehtiyotkor, tez yuguradi. 1—1,5 yoshida voyaga yetadi. HomiladorlikBoʻgʻozlik davri 346—390 kun. Qoʻlga oʻrganadi, tutqinlikda koʻpayadi. Ot va eshak bilan chatishadi. Z.ning 4 turi bor. Togʻ zebrasi (Ye. zebra) Jan.Gʻarbiy Afrikada tarqalgan, koʻrinishi eshakka oʻxshaydi, 3. orasida eng kichigi. BurchellovBurchell zebrasi (Ye. burchelli) Sharqiy va Markaziy Afrikada tarqalgan. Grevi zebrasi (Ye. grevyi) Sharqiy Afrika (Jan. Efiopiya, Somali, Keniya)da tarqalgan, ancha yirik, toychasining yelkasidan dumigacha tik va toʻq qizil juni boʻladi. Bu belgi otlar qad. ajdodlarining yoli faqat boʻynida emas, orqasida ham boʻlganligini koʻrsatadi. Hoz. qirib yuborilgan kvaggi zebrasi Jan.Sharqiy Afrikada yashagan, koʻrinishi otga oʻxshagan. Qimmatli terisi uchun koʻplab ovlanishi tufayli 3. soni keskin kamayib ketgan. Togʻ va grevi Z.i Tabiatni muhofaza qilish xalqaro ittifoqi Qizil kitobiga kiritilgan (yana q. [[Toq tuyoqlilar]]).<ref>[[OʻzME]]. Birinchi jild. Toshkent, 2000-yil</ref>
