'''Grenobl''' — Fransiyaning jan.sharqidagi shahar. Izer departamentining maʼmuriy markazi. Shim. Alp togʻlarida, Izer va Drak daryolari qoʻshilgan joyda. Aholisi 156 ming kishidan ziyod (1999). Transport yoʻllari tuguni. Mashinasozlik, sement, qogʻoz, oziq-ovqat va yengil sanoat korxonalari bor. Shahar yaqinida yirik GES qurilgan. G. da universitet (1339), yadro fizikasi tadqiqot instituti, badiiy muzey bor. G. alpinizm va sportning kishki turlari boʻyicha musobaqalar oʻtkazib turiladigan markaz. 1968 y.da qishki Olimpiada sport oʻyinlari oʻtkazilgan. 11 — 17-asrlarga oid meʼmoriy yodgorliklari saqlangan.