'''Farz''' ([[arab tili|arabcha]] — katʼiyatqatʼiyat, majburiyat) — hamma [[musulmon]]lar bajarishi qatʼiy buyurilgan amallar. Bularga [[Qurʼon]]da koʻrsatilgan [[diniy eʼtiqod]], [[marosim]], urf-odat talablari, axloqiy va [[Huquq|huquqiy normalar]] kiradi. Farz ikki turga — "farzi ayn" va "farzi kifoya"ga boʻlinadi. Birinchi turi barcha musulmonlarga babbarobar buyurilgan boʻlib, ularning adadi 40 atrofida (masalan, namoz, roʻza, tahoratdagi farzlardir). Amri maʼruf, nahiy munkar, ilm olish ham "farzi ayn"ga kiradi. "Farzi kifoya" esa bir qism musulmonlar bajarsa qolganlar zimmasidan soqit boʻladigan ishlar. Masalan,janoza namozi, kafanlash, murdani yuvish, dafn etish kabilar. Shariatga koʻra, farzning bu turiga kiruvchi ishlarni hech bir musulmon bajarmasa, hamma musulmonlar gunohkor boʻladilar. Keng maʼnoda farz — bajarilishi zarur boʻlgan vazifa, burch.
