Sodiq Azimov: Versiyalar orasidagi farq

'''Sodiq Azimovich Azimov''' (1914.7.11 – [[Toshkent]] – 1988.21.12) – fizik olim, Oʻzbekiston Fanlar Akademiyasi akademik (1962), Oʻzbekistonda xizmat koʻrsatgan fan va texnika arbobi (1964), fizika-mat, fanlari doktori (1955), professor (1958). Oʻrta Osiyo davlat universitetini tugatgan (1940). Oʻrta Osiyo politexnika institutida ishlagan (1940–45), Oʻzbekiston Fanlar Akademiyasi Fizika-texnika instituti laboratoriya Mudiri (1948–56), di-rektor oʻrinbosari (1956-58), direktori (1958-62; 1966-88), Oʻzbekiston Fanlar Akademiyasi Yadro 217fizikasi instituti direktori (1962–66), "Fizika – Quyosh" IICHB bosh direk-tori (1986-88). Oʻzbekiston yadro fi-zikasi, yuqori energiyalar fizikasi, yarimoʻtkazgichlar fizikasi va yuqori temperaturali geliomaterialshunoslikka asos solgan va bu sohalarni rivojlantirgan olimlardan biri. A. oʻzi ishlab chiqqan usul yordamida kosmik nurlar tarkibida mezonlarga daxlsiz elektron va fotonlar mavjudligini isbotladi (1948). Pomir togʻi tepasidagi stansiyada (dengiz sathidan 3900 m balandligi) A. uz xodimlari bilan bir-galikda kosmik nurlar va yadrolarning oʻzaro taʼsirini oʻrganish borasida olib borgan ilmiy izlanishlar elektron-yadro oqimlarini kashf etish imkonini berdi. A. elektron-yadro jalalarini va yadro zarrachalari singishni tadqiq et-gan. U oʻta yuqori energiyali 1012– 1013 ev) yadro jarayonlari oʻrganiladigan togʻ stansiyasi qurilishini tashkil etdi. A. rahbarligida Oʻzbekiston Fanlar Akademiyasi fizika-texnika institutida quyosh nuri energiyasidan foydalanish usuli asosida oʻta sof yarimoʻtkazgich materiallar olishning yangi texnologiyasi ishlab chiqildi hamda 1987 -yilda Parkent tumanida 1 megavatt quvvatga ega konsentratori bor noyob quyosh pechi barpo etildi. A. yadro fizikasi, yuqori energiyalar fizikasi va yuqori temperaturali geliomaterialshunoslik ilmiy maktablariga asos soldi. U 14 fan doktori va 70 dan ziyod fan nomzodini tarbiyalab, yetishtirdi. Ular hozir ham "Fizika-Quyosh" IICHB da, Oʻzbekiston Fanlar Akademiyasi Yadro fizikasi institutida va Oʻzbekiston mil-liy universitetida xalqaro darajadagi il-miy va amaliy tadqiqotlarni faol da-vom ettirmoqdalar. Beruniy nomidagi Oʻzbekiston Davlat mukofoti laureati (1970). "Fizika-Quyosh" IICHB ga va Toshkent shahrining Mirzo Ulugʻbek tumanidagi koʻcha va maktabga uning nomi berilgan.<ref>Ad.: Bekjonov R. B., Oʻzbekiston yadro fizikasi tarixi, T., 1994; Xudoyberdiyev R., Hakim Saʼdulla, Atom qaʼriga sayohat, T., 1996.</ref><ref>[[Oʻzbekiston milliy ensiklopediyasi|OʻzME]]. Birinchi jild. Toshkent, 2000-yil</ref><ref>Садык Азимович Азимов / М. С. Саидов ; Сост.: К. Г. Гуламов, Р. А. Муминов, Л. И. Селиванова. – Ташкент : Фан, 1984. – 71 с. – (Материалы к биобиблиографии ученых Узбекистана)</ref>