'''Islom olami uyushmasi''' - xalqaro [[islom]] [[xalqaro tashkilot|tashkiloti]]. [[Ruhoniy|Ruxrniy]]larning [[1962]] yil [[may]] [[oy (vaqt birligi)|oy]]ida [[Makka]]da boʻlib oʻtgan konferensiyasida asos solingan. [[Qarorgoh]]i Makka [[shahar|sh.]]da. Oliy rahbar organi Taʼsis kengashi boʻlib, unga turli [[mamlakat]]dan 60 nafar diniy arbob kiradi. Uyushma [[qaror]]lari tavsiya harakteriga ega, majlisi yiliga 1-marta chaqiriladi. Taʼsis kengash ishini Bosh kotibiyat lashtirib, boshqarib turadi. Uyushmaning [[Saudiya Arabistoni|Saudiya Ara-bistoni]]ning 3 ta shahri — [[Ar-Riyod]], [[Madina]] va [[Jidda]]da boʻlimlari mavjud, yana 13 ta [[vakolatxona]]si boʻlib, ular [[Ummon]] ([[Iordaniya]]), [[Jakarta]] ([[Indoneziya]]), [[Kuala Lumpur|Kualalumpur]] ([[Malayziya]]), [[Nuakshot|Nuaktosh]] ([[Mavritaniya]]), [[Dakar]] ([[Senegal]]), [[Parij]] ([[Fransiya]]), [[Nyu-York]] ([[AQSH]]) va b. bir necha xorijiy mamlakatlar [[poytaxt]]larida joylashgan. Bundan [[tashqari]], I. o. u.ning barcha musulmon mamlakatlarida vakillari bor. Uyushma [[Birlashgan millatlar tashkiloti|BMT]]ning Iqtisodiy va ijtimoiy kengashi hamda [[UNESCO|YUNESKO]] huzurida maslaqat berish huquqini olgan. I.o.u. BMTning bolalar fondiga badal oʻtkazib turadi. I.o.u. nizomiga muvofiq uning bosh maqsadi — islom [[taʼlimot]]ini [[dunyo]]da hukmron taʼlimotga aylantirish va islom [[aqida]]lariga asoslangan tuzum oʻrnatish. Musulmonlar birligini taʼminlash, [[yosh]]lar [[masala]]si bilan shugʻullanish ham uning oldiga qoʻygan vazifalaridan hisoblanadi. I. o. u. [[masjid]]lar va ularning [[imom]]-xatiblariga alohida eʼtibor beradi hamda ular orqali keng koʻlamda tashviqot ishlarini olib borishga yordam qiladi.<ref>[[OʻzME]]. Birinchi jild. Toshkent, 2000-yil</ref>
