'''Yaʼqub alayhis-salom''' - [[Qurʻon]]da tilga olingan paygambarlardan biri. [[Ishoq alayhis-salom]]ning oʻgʻli, [[Yusuf alayhis-salom]]ning otasi Yoqub alayhis-salom [[Alloh]]ning birligiga, ibodatiga daʻvat etuvchi paygʻambarlardan boʻlgan. [[Qurʻon]]da uning taqvodorligi va paygʻambarligi [[Alloh]]ning [[Ibrohim (paygʻambar)|Ibrohim alayhis-salom]] avlodlariga koʻrsatgan marhamati sifatida ifodalangan [[Baqara surasi|(2:136/130, 140/134;]] 6:84). Yaʼqub alayhis-salom oʻgʻillari orasida [[Yusuf alayhis-salom|Yusufga]] nihoyatda mehr qoʻygan edi. Bundan ranjigan boshqa oʻgʻillar [[Yusuf alayhis-salom|Yusufdan]] qutulish yoʻlini izlaydilar. Uning joniga jabr qilib, [[quduq]]qa tashlaydilar. Yaʼqub alayhis-salom sevimli farzandi dardida yigʻlayverib koʻzi koʻr boʻlib qoladi. [[Qurʻon]]da aytilishicha, [[Yusuf alayhis-salom|Yusufning]] koʻylagi Yoqub alayhis-salomning yuziga tekkach, uning koʻzlari ochiladi. Rivoyatlarga koʻra, yer yuzidagi barcha yahudiylar Yoqub alayhis-salomning oʻn ikki farzandlaridan tarqalgan.
