Kichik Osiyodan Samarqandga qaytgan Amir Temur [[1404-yil]] yilningning 27-noyabrida 200 ming qo‘shin bilan [[Samarqand]]dan [[Xitoy]] safariga chiqdi. Biroq Xitoy ustiga yurish Amir Temurning to‘satdan vafot etib qolishi (1405-yil 18-fevral) tufayli amalga oshmay qoldi. Tarixiy maʼlumotlarga qaraganda, Amir Temur vafot etganda, uning xotinlaridan to‘rtasi — Saroy Mulk xonim, Tuman og‘o xonim, Tukal xonim va Ruh Parvar og‘o xonimlar hali hayot edilar. Shuningdek, Amir Temur vafot qilgan vaqtda undan ikki o‘g‘il, 19 nevara va 15 chevara, jami 36 shahzoda hayot edi. Bulardan tashqari sohibqironning kichik qizi — Sulton Baxt begim va katta qizi — Og‘o begimdan tug‘ilgan o‘gil — Sulton Husayn Mirzo nomli nevarasi ham bor edi. Tarixiy maʼlumotlarning dalolaticha sohibqiron Amir Temur o‘n sakkiz marta uylangan. Bundan tashqari u 22 nafar xos kanizaklarini ham o‘z shabistoniga mahram qilgan.
