Naml surasi

Naml surasi (arabcha: سورة النمل, nomining maʼnosi — Chumoli) — Qurʼonning 27-surasi. Makkiy suralardan biri, 93 oyatdan iborat. Bu sura Qurʼonning 377–385-sahifasida va 19-20-juzida joylashgan. 48-boʻlib nozil boʻlgan.

Qasos ←   27–sura  → Shuaro

Naml surasi — سورة النمل
Suraning arabcha matni
Nomining maʼnosi	Chumoli
Tasnifi	Makkiy sura
Statistika
Sahifasi	377–385
Juz	19-20
Sura raqami	27
Oyatlar soni	93
Sajda oyati	26-oyat
Rukuʼlar soni	7
Muqattaot harflari	To, sin.
Nozil boʻlish tartibi	48
Arabcha matni	ar.wikisource.orgda tanzil.netda
Tarjimalari	QuranAcademy.org quran.uzda
Tilovat tartibi Qasos surasi   27   Shuaro surasi Nozil boʻlish tartibi Qasos surasi    48   Shuaro surasi

Asosiy mavzusi

Ushbu surada paygʻambarlardan Muso, Solih, Lut alayhis-salomlarning qissalari zikr qilinadi va, xususan, Dovud va Sulaymon paygʻambarlar haqida bir qadar batafsil toʻxtalib, Sulaymon alayhis-salom Alloh taoloning paygʻambari boʻlish bilan birga yana jamiyki insu-jin va parrandayu-darranda olamiga podshoh qilingani toʻgʻrisida hikoya qilinadi hamda u zot bilan Sabaʼ mamlakatining Malikasi Bilqis oʻrtasida boʻlib oʻtgan voqealar ham tasvirlanadi.

Yana bu surada Qurʼondagi pand-nasihat, ibrat-eslatmalardan faqat koʻzi ochiq kishilargina foydalanishlari mumkinligi ayricha taʼkidlab oʻtiladi.

Shuningdek, qiyomat qoyim boʻlishi oldidan yer yuziga chiqadigan jonivor haqidagi xabar hamda moʻmin va kofirlarning qiyomat kunidagi ahvoli xususidagi ibratli oyatlar ham shu suradan joy olgandir.

Surada Alloh taoloning eng zaif va zahmatkash maxluqlaridan biri boʻlgan chumoli haqida ham zikr qilingani sababli uni «Naml — Chumoli» surasi deb atalgandir.

Manbalar

Keyingisi: Qasos surasi

27-sura — arabcha matni

Oldingisi: Shuaro surasi