Qoʻrqoq

rus yozuvchisi Lev Nikulin qalamiga mansub roman

„Qoʻrqoq“ (ruscha: Трус) — rus yozuvchisi Lev Nikulin qalamiga mansub roman. Ilk bor 1961-yil Moskva shahrida „Sovetskiy pisatel“ nashriyotida chop etilgan.[1] Asar besh boʻlimga boʻlingan. Roman bosh qahramoni Sergey Shcheglov (ruscha: Сергей Щеглов) gestapoda qiynoqqa tutiladi va qoʻrqoq boʻlib qoladi. Asarni Mirziyod Mirzoidov oʻzbek tiliga tarjima qilgan.

Qoʻrqoq
Asl nomi Трус
Muallif(lar) Lev Nikulin
Tarjimon(lar) Mirziyod Mirzoidov
Til ruscha
Janr(lar)i roman
Nashr etilgan sanasi 1961
Nashriyot „Toshkent“ Badiiy adabiyot nashriyoti
Oʻzbek tilida nashr etilgan sanasi 1965
Sahifalar soni 392

Syujet tahrir

Bosh qahramon Sergey Shcheglovni (ruscha: Сергей Щеглов) gestapo qiynoqqa tutadi. Natijada u qoʻrqoq boʻlib qoladi. Sevgan yori Rozini (ruscha: Рози) tashlab qochadi. Yashirin tashkilot aʼzosi Deniza (ruscha: Дениза) ismli qizning payiga agentlar tushganini koʻradi, ammo uni ogohlantirishdan qoʻrqadi. Natijada bir necha kishi natsistlar qoʻlida halok boʻladi. Koʻp qiyinchiliklarga duchor boʻlgan Shcheglov Rossiyadan kelgan sayyohlarni uchratib qolmagunicha xor-zorlikda kun kechiradi.

Qahramonlar tahrir

  • Sergey Shcheglov (ruscha: Сергей Щеглов) – bosh qahramon
  • Rozi (ruscha: Рози) – Shcheglovning yori
  • Deniza (ruscha: Дениза) – yashirin tashkilot aʼzosi

Oʻzbekcha tarjima tahrir

Romanni Mirziyod Mirzoidov 1961-yil „Sovetskiy pisatel“ nashriyotida chop etgan nashrga asoslanib oʻzbek tiliga tarjima qilgan. Oʻzbekcha nashr 1965-yil Toshkent shahrida „Toshkent“ Badiiy adabiyot nashriyotida chop etilgan. Oʻzbek tilidagi nashrni tayyorlashda quyidagi shaxslar ishtirok etgan: S. Rahimov – muharrir, V. Porotikov – rassom, I. Nirkov – rasmlar muharriri, L. Parpixoʻjayev – texnik muharrir, I. Qobilov – musahhih. Kitob adadi – 15 000 nusxa.

Manbalar tahrir

  1. „Qoʻrqoq“ (ruscha). Rossiya davlat kutubxonasi. Qaraldi: 2016-yil 8-noyabr.