Meyerxold Vsevolod Emilyevich [1874.28.1 (9.2), Penza – 1940.2.2, Moskva] — rejissyor va aktyor, teatr arbobi, pedagog. Teatr islohotchilaridan biri. Rossiya xalq artisti (1923). 1898–1902 yillar MXT (Moskva Badiiy teatri)da aktyor. Grozniy (A. Tolstoy, "Ioann Grozniyning oʻlimi"), Treplev, Tuzenbax (A. Chexov, "Chayka". "Uch opasingillar"), Malvolio, shahzoda Aragonskiy (U. Shekspir, "Oʻn ikkinchi kecha", "Venetsiya savdogari"), Iogannesa (G. Gauptman, "Yolgʻizlar") kabi rollarni ijro etgan. 1902–05 yillar "Yangi drama oʻrtoqlik uyushmasi"ni boshqargan. 1906–07 yillar V. Komissarjevskaya teatrida, 1908–17 yillar Peterburgdagi Aleksandrinsk va Mari teatrlarida bosh rejissyor Shu yillarda "shartli teatr" prinsiplari va ularni uslublashtirish simvolizm po-etikasi, teatr sanʼati konsepsiyasi va boshqa bilan bogʻliq dasturni ishlab chiqib uni rivojlantirgan. 1920—38 yillar Mosk-vadagi 1-Rossiya teatri (1923 yildan M. nomida)ni boshqardi. "Misteriya— Buff", "Qandala". "Hammom" (hammasi V. Mayakovskiy), "Revizor" (N. Gogol), "Oʻrmon", "Serdaromad joy" (A. Ostrovskiy) kabi spektakllarni, shuningdek, "Orfey Evridika", "Qargʻa motkasi" singari operalarni sahnalashtirgan. M. ijodi jahon teatri sanʼatiga katta taʼsir koʻrsatdi. 1939 yil qatagʻon qilingan va qamoqxonada otib tashlangan.[1]

Manbalar tahrir

  1. OʻzME. Birinchi jild. Toshkent, 2000-yil