Malik Nabiyev
Malik Nabiyev (1916.5.1, Toshkent — 2008.1.10) — rassom, pedagog, Oʻzbekistan Badiiyot akadimyasi akademik (1997), Oʻzbekistan xalq rassomi (1992). Oʻzbekistonda xizmat koʻrsatgan sanʼat arbobi (1968). Toshkent rassomlik bilim yurtida taʼlim olgan (1933—37), Toshkent pedagogika institutini tugatgan (1962). Toshkent rassomlik bilim yurtida (1938—58), 1958-yildan Toshkent pedagogika institutining badiiy grafika fakultetida oʻqituvchi, rangtasvir kafedrasi mudiri (1963-88), 1973-yildan hozirgi Toshkent pedagogika universiteti professor N., asosan, portret va tarixiy janrlarda ijod qiladi. Tarixiy mavzudagi asarlariga gʻoya va mavzuning ravshanligi, kurash, qarama-qarshiliklarda toʻqnashgan tomonlar holatini aniq belgilanishi, davr ruhini aniq tasvirlash kabi xususiyatlar xos boʻlsa, portretlarida zamondosh shaxslar tabiiy holatda, samimiy tasvirlanadi: "Doʻstim portreti" (1933), "Qoʻzgʻolon bostirildi" (1940), "Makedoniyaliklarga qarshi Spitamen qoʻzgʻoloni" (1960), "Abu Rayhon Beruniy" (1950, 1972), "Bobur" (1962), "Xalq artisti Hasanov" (1970), "Oʻqituvchi M. Gʻoipova" (1977), "Amir Temur" (1994) portretlari va boshqa Risolalar va uslubiy qoʻllanmalar muallifi. "Buyuk xizmatlari uchun" ordeni bilan mukofotlangan (2000). As.: Boshlangʻich sinflarda rasm chizish metodikasi, T., 1965; Rasm chizishni oʻrgatish metodikasi, T., 1971; Rangshunoslik, T., 1995.[1]
| Malik Nabiyev | |
|---|---|
| Shaxsiy maʼlumotlari | |
| Tavalludi |
1-may 1916-yil Toshkent |
| Vafoti |
10-yanvar 2008-yil (99 yoshda) Toshkent |
| Mukofotlari |
 |
Manbalar tahrir
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |