Sarikoʻl mahallasi

Sarikoʻl mahallasi (Fidoyilar koʻch., 26) — Mirobod tumanidagi mahalla. Fitrat, „Qorasuv“, „Oltinkul“ mahallalari bilan chegaradosh.

Sariko'l Sariko'l mahallasi
Mahalla
Mamlakat	O'zbekiston
Shahar	Toshkent
Tuman	Mirobod
Vaqt mintaqasi	UTC+5
Telefon kodi	+998 (71)
Avtomobil kodi	01

Tarixi

1930-yillarda mahalla oʻrnida Chirchiq daryosi oqib oʻtgan, keyinchalik daryo oʻrnida koʻl paydo boʻlgan, uning suvi loyqa sariq rangda boʻlganligi uchun „Sariqkoʻl“ deb atashgan. Vaqt oʻtishi bilan koʻl qurib, oʻrniga daraxtlar ekilgan, atrofida mahalla vujudga kelgan, unga hozirgi nomi berilgan.

Aholisi

Aholisi 5 mingdan ortiq, asosan, o'zbeklar, shuningdek, 15 dan ortiq millat vakillari yashaydi.

Binolar

Mahalla hududida 5 ta koʻcha, „Al-Badr“ jome masjidi, „Yopiqota“ (Yopugʻliqota) qabristoniga qarashli 2-bolalar shifoxonasi va poliklinikasi, „Zarp“ restorani va boshqalar mavjud.