Zumrasha
„Zumrasha“ (ruscha: Кузнечик) — rus yozuvchisi Oleg Tixomirov qalamiga mansub qissa. Asarni Muborak Boboyeva oʻzbek tiliga tarjima qilgan. Qissada 1917-yilgi Oktabr inqilobi janglarida halok boʻlgan 15 yoshli Alyosha Kuznetsov ismli oʻsmir haqida soʻz yuritiladi. „Zumrasha“ 1985-yil ingliz tilida Grasshopper: The Little Soldier nomi bilan „Raduga“ nashriyotida chop etilgan.
| Asl nomi | Кузнечик |
|---|---|
| Muallif(lar) | Oleg Tixomirov |
| Tarjimon(lar) | Muborak Boboyeva |
| Til | ruscha |
| Janr(lar)i | qissa |
| Nashr etilgan sanasi | 1974 |
| Nashriyot | „Yosh gvardiya“ |
| Oʻzbek tilida nashr etilgan sanasi | 1978 |
| Sahifalar soni | 112 |
Syujet tahrir
Qissada yosh inqilobchi Alyosha Kuznetsov haqida hikoya qilinadi. 1917-yilgi oktabr voqealari davomida Alyosha Moskvada boʻladi. Alyosha opasi bilan barrikadalarda proletar inqilobi ishini himoya qiladi. Jangchilar Alyoshani Zumrasha deb atay boshlaydilar. Zumrasha bir necha marta zaraur paytda jangda ishtirok etayotgan drujinachilarga oʻq-dori yetkazib beradi. Endi 15 yoshga toʻlgan Alyosha dushman oʻqidan halok boʻladi.
Qahramonlar tahrir
- Alyosha Kuznetsov – yosh inqlobchi
- Mixey Mixeich – etikdoʻz
- Fyodor – etikdoʻzning shogirdi
- Kostya – talaba
- Lena – Alyoshaning opasi
Oʻzbekcha tarjima tahrir
Asarni ruschadan oʻzbekchaga Muborak Boboyeva 1974-yil Moskvada „Molodaya gvardiya“ nashriyotida chop etilgan ikkinchi nashridan tarjima qilgan. Oʻzbekcha nashr 1978-yil Toshkent shahrida „Yosh gvardiya“ nashriyotida chop etilgan. Oʻzbek tilidagi nashni tayyorlashda yana quyidagi shaxslar ishtirok etgan: A. Shomirzayev – muharrir, N. Kirillova – rassom, Q. Aliyev – rasmlar muharriri, G. Ahmadjonova – texnik muharrir, M. Nabiyeva – musahhih. Kitob adadi – 30 000 nusxa.
Havolalar tahrir
 |