Jamankul Jenchurayev
Jamankul Jenchurayevich Jenchurayev (1907-yil 1-yanvar, Toldi-Buloq, Turkiston viloyati – 1990-yil 2-noyabr, Frunze) – qirgʻiz va rus tillarida ijod qilgan qirgʻiz sovet yozuvchisi.
| Jamankul Jenchurayev | |
|---|---|
| Tavalludi |
Jamankul Jenchurayevich Jenchurayev 1907-yil 1-yanvar |
| Vafoti |
1990-yil 2-noyabr Frunze, Qirgʻiziston Respublikasi |
| Kasbi | yozuvchi |
| Ijod qilgan tillari | qirgʻiz tili, rus tili |
| Fuqaroligi |
 SSSR |
Hayoti tahrir
Jamankul Jenchurayev 1907-yilda Toldi-Buloq qishlogʻida (hozirgi Chuy viloyati, Chuy tumani) tugʻilgan.
1927—1929-yillarda V. I. Lenin nomidagi Birlashgan Oʻrta Osiyo harbiy bilim yurtining otliq qoʻshinlar boʻlimida oʻqigan. Shu vaqt ichida bir necha bor bosmachilar toʻdalarini yoʻq qilish operatsiyalarida qatnashgan.
1930-yildan Qirgʻiziston va Qozogʻiston janubidagi 68-operativ divizion OGPU qoʻshinlari, Tojikistondagi 79-Qizil bayroqli otliq polkida vzvod komandiri boʻlgan.
1921-yildan VKLSM (komsomol) aʼzosi. 1931-yilda esa KPSS (b) aʼzosi boʻladi.
1931—1933-yillarda Qoraqum va Mangʻishloq bosmachi toʻdalariga qarshi operatsiyalarda qatnashgan. 1934-yildan 1940-yilgacha Qozogʻistonda 49 va Qizil bayroqli Baxtinskiy chegara otryadlari zastavalarida xizmat qilgan.
1941-yil 4-dekabrda NKVD Gʻarbiy fronti qoʻshinlari boshligʻining buyrugʻi bilan kapitan Jenchurayev Moskva mudofaasidagi jasorati uchun mayor harbiy unvoni bilan taqdirlangan. 1941-yil 19-dekabrda SSSR Oliy Kengashi Prezidiumining Farmoni bilan jangovar topshiriqni namunali bajarganligi va mard jasorati uchun Qizil Bayroq ordeni bilan mukofotlanadi. Shu yilning oz’ida Qizil Yulduz ordeni va „Jasurlik uchun“ medali[1] bilan taqdirlangan. Podpolkovnik Jenchurayev isteʼfoga chiqqanidan soʻng, rus va qirgʻiz tillarida oʻndan ortiq kitoblar, xotiralar va esdaliklar yozgan[2].
Jamankul Jenchurayev 1990-yil 2-noyabrda profilaktik davolanayotganda, Frunze shahridagi maxsus klinika boʻlimida vafot etadi. Bishkekning Ala-Archin qabristoniga dafn etilgan.
Xotirasi tahrir
Qirgʻiziston Respublikasi Chegara xizmati Chuy chegara otryadiga qarashli 2026-harbiy qismga qarashli „Toʻqmoq“ chegara postiga Jamanqul Jenchurayev nomi berilgan.
2011-yil 22-iyun kuni Jamanqul Jenchurayev istiqomat qilgan uyning fasadiga yodgorlik lavhasi oʻrnatiladi.