Misr sporti

Misrda sport boshqa arab va Afrika mamlakatlariga nisbatan yuqori darajada rivojlanganligi bilan ajralib turadi.

Mahalliy sport klublari mintaqaviy hokimiyatlardan moliyaviy yordam oladi, ularning aksariyati hukumatdan moliyaviy va maʼmuriy yordam oladi. Bir qancha universitetlar negizida jismoniy tarbiya fakultetlarida sportchi yoshlar tayyorlanadi.

Futbol

Misrda eng mashhur sport turi bu futbol hisoblanadi. Misr futbol klublari, xususan Qohiraning Al-Ahli va Zamalek klublari Yaqin Sharq va Afrikada yaxshi tanilgan. Bundan tashqari, Al-Ahli 2006-yilgi FIFA klublar oʻrtasidagi jahon chempionatining bronza medali sovrindori, olti karra CAF Chempionlar ligasi gʻolibi va toʻrt karra Afrika chempionlar kubogi gʻolibi sanaladi. „Zamalek“ klubi besh karra CAF Chempionlar Ligasi gʻolibi va bir marta (2000-yilda) Afrika chempionlar kubogini qoʻlga kiritgan. Har ikki klubning ham mamlakatdan tashqarida ham muxlislari bor. Mamlakatdagi boshqa mashhur klublar: Ismoiliy (Ismoiliya), Ittihod (Iskandariya) va El Masri (Port Said). 2006-yil yanvar oyida Iskandariya Afrika Millatlar Kubogiga mezbonlik qilgan 3 ta shahardan biriga aylandi, unda Misr gʻalaba qozondi.

Boshqa sport turlari

Misrdagi boshqa mashhur sport turlari orasida boks, basketbol, gandbol va tennis sport turalari ham yaxshi rvojlangan. Misrning skvosh jamoasi 1930-yillarda jahon chempionatlarida porlagan va hozirgi paytda oʻzining avvalgi shon-shuhratini qayta tiklagan. Misrning gandbol jamoasi Tunis terma jamoasi bilan birga Afrika qitʼasidagi eng kuchli hisoblanadi. 1990-yillar boshidan Misr terma jamoasi besh marta qitʼa chempioni boʻldi, 2001-yilda esa jahon chempionatida toʻrtinchi oʻrinni egalladi.

Shuningdek

• Misr milliy futbol jamoasi
• Futbol boʻyicha Saudiya Arabistoni Superkubogi
• Misr 1912—yilgi yozgi Olimpiya oʻyinlarida
• Misrda golf