Nikolay Romanov (matematik)
Nikolay Pavlovich Romanov (1907-yil 19-fevralda Irkutsk viloyati Bolshe-Okinsk qishlogʻida tug‘ilgan — 1972-yil 8-mayda Toshkent shahrida vafot etgan) — sovet matematigi, oʻqituvchisi, fizika-matematika fanlari doktori (1936-yil), professor (1937-yil), O‘zbekiston SSRda xizmat koʻrsatgan fan arbobi (1949-yil).
Biografiyasi tahrir
Nikolay Romanov Rossiya imperiyasi tarkibidagi Irkutsk viloyati Bolshe-Okinsk qishlog‘ida ishchi oilasida dunyoga kelgan. 1929-yilda Irkutsk davlat universiteti tugatgandan so‘ng, Romanov Moskva davlat universiteti aspiranturasiga o‘qishga kirgan va u yerda nufuzli matematik-olim Aleksandr Xinchin va Otto Shmidt rahbarligida tahsil olgan.
Professor Nikolay Romanov 1935-yilda doktorlik dissertatsiyasini himoya qilgan. 1932-1944-yillarda Tomsk universitetining fizika-matematika fakultetida dotsent, so‘ngra professor sifatida faoliyat olib borgan.
1944-1951-yillarda - Samarqand O‘zbek universitetida kafedra mudiri vazifasida ishlagan. 1951-yilda Toshkentga ko‘chib kelgan va 1972-yilgacha (umrining oxirigacha) shu yerda yashagan. Shu vaqt oralig‘ida olim O‘rta Osiyo davlat universiteti(Toshkent)da Sonlar nazariyasi va algebra kafedrasining mudiri lavozimida ishlagan.
1958-1960-yillarda Toshkent shahridagi Matematika va mexanika institutining matematik analiz kafedrasini boshqargan.
Nikolay Romanov Mehnat Qizil Bayrogʻi Ordeni kavaleri.
Fizika-matematika fanlari doktori, professor Nikolay Romanov 1972-yil 8-mayda (65 yoshida) Toshkentda vafot etgan va shahar markazidagi Botkin qabristoniga dafn etilgan (1-son).
Ilmiy faoliyati tahrir
Ilmiy faoliyatning asosiy yo‘nalishlari: qo‘shimchalar nazariyasi, operator zeta funksiyasi va chiziqli operatorlarning bir parametrli kichik guruhlari.
Gilbert fazolari va sonlar nazariyasi o‘rtasidagi bog‘liqlik masalalari, butun son argumentining analitik funksiyalari.
U turli funksiya fazolarida chiziqli operatorlarning bir parametrli kichik guruhlarini qurish usullarini ishlab chiqqan va cheksiz kichik operatorlar hisobiga muhim hissa qo‘shgan. Tadqiqot ishining muhim qismi Gilbert fazolari nazariyasini raqamlar nazariyasiga tatbiq etishga bag‘ishlangan. Ular ortogonal ketma-ketliklarni qurishning yangi, son-nazariy mulohazalari asosidagi usullarini bergan.
Keyingi yillarda sonlar nazariyasining elementar usullarini takomillashtirish, yaqinlashish doirasi chegarasidagi darajali qatorlar asimptotikasini oʻrganish va boshqa masalalar ustida ishlagan.
Adabiyotlar tahrir
- Сарымсаков Т. А., Линник Ю. В. Николай Павлович Романов (к пятидесятилетию со дня рождения) // Успехи матем. наук. 1957. Т. 12, № 3. С. 251—253.
- Крылов П. А., Чехлов А. Р., «О первом заведующем кафедры алгебры ТГУ», Вестн. Томск. гос. ун-та. Матем. и мех., 2012, № 3, 107—112.
- Круликовский Н. Н.. Из истории развития математики в Томске. Томск. 2006.
- Романов Н. П. Теория чисел и функциональный анализ: сборник трудов / Под. общ. ред. В. Н. Чубарикова. — Томск: Изд-во Том. ун-та, 2013. — 478 с.