Sergey Bauer
Sergey Yuriyevich Bauer (ruscha: Сергей Юрьевич Бауэр, 1960-yil 29-aprel, Kirovobod, Tojikiston) — hujumchi pozitsiyasida toʻp surgan, asli millati nemis sovet futbolchisi. U SSSRning turli futbol ligalardagi klublarida, xususan, SSSR oliy ligasida Dushanbening „Pomir“ jamoasidagi oʻyinlari bilan tanilgan[1].
| Shaxsiy maʼlumot | |||
|---|---|---|---|
| Toʻliq ismi | Sergey Yuriyevich Bauer | ||
| Tavallud sanasi | 20-aprel 1960-yil | ||
| Boʻyi | 189 см | ||
| Ampluasi | Hujumchi | ||
| Yoshligida aʼzo boʻlgan klublar | |||
| Jamoa | |||
| – | BOʻSM (Toshkent) | ||
Futbolchilik faoliyati tahrir
Sergey Bauer Tojikistonning Kirovobod shahrida tug‘ilgan va futbol o‘ynashni Toshkentning bolalar va oʻsmirlar sport jamoasida boshlagan. 20-asrning 70-yillari oxirida u Chelyabinsk viloyatining „Torpedo“ havaskorlar jamoasida oʻynay boshladi. 1980-yildan SSSR ikkinchi ligasi Toshkentning „Start“ jamoasi bilan shartnoma imzoladi va professional futbol klubida o‘ynay boshladi. 1983-yilda ikkinchi liganing boshqa jamoasi „Sohibkor“ klubi bilan shartnoma imzoladi va u yerda 1985-yilgacha toʻp surdi. 1986-yilda Toshkentning SSSR Birinchi Ligasida toʻp suruvchi, Toshkentning „Paxtakor“ klubi futbolchisiga aylandi va bir mavsum davomida poytaxtliklar klubi safida toʻp surdi. 1987-yilgi mavsumda sobiq jamoasi „Sohibkor“ klubi safiga qaytdi.
Sergey Bauer 1988-yilgi mavsumni ikkinchi liganing boshqa bir jamoasi Namanganning „Navbahor“ jamoasi tarkibida boshlagan, biroq mavsum davomida Aleksandr Tixonov va Ruslan Ajiyev bilan birgalikda Simferopolning „Tavriya“ jamoasi safiga o‘tgan edi[2]. Keyingi yili, mavsum boshida Sergey Bauer SSSR oliy ligasida Dushanbening „Pomir“ jamoasi tarkibida o‘ynadi, lekin chempionatda atigi 1 ta o‘yin o‘tkazdi va mavsumni yana „Tavriya“ jamoasida yakunladi. 1990-yilda Bauer Germaniyaga doimiy yashash uchun joʻnab ketdi va u yerda bir necha yil mahalliy quyi liga jamoalarida toʻp surdi.
Manbalar tahrir
- ↑ „Бауэр Сергей Юрьевич“. 2023-yil 26-iyunda asl nusxadan arxivlangan. Qaraldi: 2023-yil 28-iyun.
- ↑ Tavriya: moya radost i bol (rus.)
Havolalar tahrir
- Futbolchi Profili FootballFacts.ru
- Futbolchi profili[sayt ishlamaydi]
- Profіl na saytі іstorії „Tavrії“ (Sіmferopol)