Stepan Ilyin
Stepan Petrovich Ilyin (1915-yil 2-avgust –1993-yil 2-noyabr) – Sovet Armiyasi katta serjanti, Ulugʻ Vatan urushi qatnashchisi, Sovet Ittifoqi Qahramoni (1943).
| Stepan Ilyin | |
|---|---|
| Tavalludi |
2-avgust 1915-yil Rossiya imperiyasi |
| Vafoti |
2-noyabr 1993-yil Toshkent, Oʻzbekiston |
| Fuqaroligi |
 SSSR |
| Xizmatdagi yillari | 1942–1946 |
Biografiyasi tahrir
Stepan Ilyin 1915-yil 2-avgustda Akmolinskaya viloyati Krivoozyornoye qishlogʻida tavallud topgan. U maktabning yetti sinfini tamomlagan. 1942-yil yanvar oyida Qizil Armiyasi safiga chaqirilgan. Oʻsha yilning aprel oyidan boshlab Ulugʻ Vatan urushi frontida qatnashgan. Katta serjant Stepan Ilyin 1943-yil oktyabr oyiga kelib Markaziy frontning 69-piyoda diviziyasining 99-muhandislik batalyonining bir qismiga qoʻmondonlik qilgan[1].
Ilyin 1943-yil 15-oktyabrda otryadi bilan Belorussiya SSRning Gomel viloyati, Loyevskiy tumani, Loyev qishlogʻi yaqinida Dneprni kesib oʻtgan va uning gʻarbiy qirgʻogʻidagi janglarda faol ishtirok etgan[2]. Urushda nemislarning bir nechta qarshi hujumlarini qaytargan va Dneprda uchta miltiq vzvodiga boshchilik qilgan.
SSSR Oliy Kengashi Prezidiumining 1943-yil 30-oktabrdagi farmoni bilan „Nemis bosqinchilariga qarshi kurash frontida qoʻmondonlikning jangovar topshiriqlarini namunali bajargani, koʻrsatgan jasorati va qahramonligi uchun“ katta serjant unvoni bilan taqdirlangan. Stepan Ilyin Lenin ordeni, „Zolotaya Zvezda“ medali va Sovet Ittifoqi Qahramoni unvoni bilan taqdirlangan.
Ilyin 1946-yilda demobilizatsiya qilindi. 1960-yilda meliorativ texnikumni tamomlagan, soʻngra muhandis-gidravlik boʻlib ishlagan. Stepan Toshkentda istiqomat qilgan[3].
1993-yil 2-noyabrda Oʻzbekiston poytaxti Toshkent shahrida vafot etgan va Toshkent harbiy qabristonidagi Qahramonlar xiyoboniga dafn etilgan.
Shuningdek, Stepan 1-darajali Vatan urushi ordeni sohibi boʻlgan. Bundan tashqari „Za otvagu“ medali va boshqa bir qator medallar bilan taqdirlangan.
Manbalar tahrir
- ↑ „Stepan Ilyin“ (ru). Герои страны („Heroes of the Country“).
- ↑ „Ilin Stepan Petrovich“. Qaraldi: 2023-yil 15-noyabr.
- ↑ „ИЛЬИН СТЕПАН ПЕТРОВИЧ“. Qaraldi: 2023-yil 15-noyabr.