Tenis Melngaylis
Tenis Vitauts Emiliyevich Melngaylis (latishcha: Tenis Vitauts Melngailis, 1912-yil 13-dekabr, Toshkent – 1980-yil 8-dekabr, Riga) – latviyalik va sovet shaxmatchisi.
| Tenis Melngaylis | |
|---|---|
| Mamlakat |
 Latviya  SSSR |
| Tugʻilishi |
13-dekabr 1912-yil Toshkent Oʻzbekiston |
| Vafoti |
8-dekabr 1980-yil (67 yoshda) Riga Latviya |
| FIDE reyting | [1] (fevral 2024) |
Hayoti tahrir
Tennis Vytautas Emiliyevich Melngaylis 1912-yil 13-dekabrda Toshkentda tugʻilgan. Mashhur latviyalik bastakor Emils Melngailisning oʻgʻli. Tenisga shaxmat oʻynashni oʻzi kuchli shaxmatchi boʻlgan otasi oʻrgatgan.
Faoliyati tahrir
1936-yilda Tenis Melngaylis Latviya terma jamoasi tarkibida Myunxendagi norasmiy shaxmat Olimpiadasida ishtirok etgan. U yerda birinchi zaxira taxtasida oʻynagan (+4, =1, −5[1]). 1938-yilda Shaxmat boʻyicha Latviya chempionati natijalariga koʻra, Kemeri shahrida boʻlib oʻtgan 2-xalqaro shaxmat turnirida ishtirok etadi. Turnirda kuchli raqobatda 11—12-oʻrinlarni egallagan[2]. 1939-yilda Buenos-Ayresda ikkinchi marta Latviya terma jamoasini ikkinchi marta shaxmat olimpiadasida birinchi zaxira taxtasida (+4, =3, −1) taqdim etadi. Latviyaga qaytgach, Rigadagi Latviya terma jamoasiga nomzodlar turnirida yettinchi oʻrinni egallagan[3]. U Ikkinchi jahon urushi davrida, 1943—1944-yillarda Latviya shaxmat ittifoqiga rahbarlik qilgan. Urushdan keyingi dastlabki yillarda turli shaxmat turnirlarida faol ishtirok etishda davom etgan. 1946-yilda Riga shahrida 1-toifali Butunittifoq turnirida gʻolib boʻlib, shaxmat boʻyicha SSSR ustaligiga nomzod unvonini olgan[4]. Fritsis Apsheniek memorialida esa 3—5-oʻrinlarni egallaydi[5]. 1947-yilda Hermann Mathison memorialida 3—4-oʻrinlarni egallagan[6]. 1940—1950-yillarda „Bērnība“ yoshlar jurnalining shaxmat boʻlimiga rahbarlik qiladi. Keyingi yillarda sogʻligʻi yomonlashgani sababli Tenis Melngailisning shaxmat turnirlaridagi natijalari pasayib ketib, 1950-yillarning oʻrtalaridan boshlab asta-sekin shaxmat chiqishlarini toʻxtatadi.
Tennis Melngaylis 1980-yil 8-dekabrda vafot etib, Rigadagi oʻrmon qabristoniga dafn etiladi[7].
Manbalar tahrir
- ↑ „OlimpBase :: unofficial Chess Olympiads :: Tenis Melngailis“. 2019-yil 18-fevralda asl nusxadan arxivlangan. Qaraldi: 2017-yil 22-iyun.
- ↑ „Kemeri 1939“. 2013-yil 19-dekabrda asl nusxadan arxivlangan. Qaraldi: 2017-yil 22-iyun.
- ↑ „National tournament- Riga 07.10-30.12.1940“. 2012-yil 30-avgustda asl nusxadan arxivlangan. Qaraldi: 2017-yil 22-iyun.
- ↑ „Tournament of 1 category — Riga 5-30.6.1946“. 2014-yil 18-yanvarda asl nusxadan arxivlangan. Qaraldi: 2017-yil 22-iyun.
- ↑ „Memorial F.Apsheniek — Riga 10-29.12.1946“. 2013-yil 7-martda asl nusxadan arxivlangan. Qaraldi: 2017-yil 22-iyun.
- ↑ „Memorial G.Matison- Riga 24.8-12.9.1947“. 2017-yil 28-dekabrda asl nusxadan arxivlangan. Qaraldi: 2017-yil 22-iyun.
- ↑ Tenis Melngailis