Ziyodaxon Abdusattorova
Ziyodaxon Abdusattorova (2001-yil 17-aprel sanasida tavallud topgan; Margʻilon, Fargʻona viloyati) — Oʻzbekistonlik kamondan otish boʻyicha sportchi. 2018-yildan Oʻzbekiston terma jamoasi aʼzosi. Murabbiyi Irina Savinova Ziyodaxon Abdusattorova bir necha bor Osiyo kubogida sovrindorlar qatoridan joy olgan. Konya-2021 Islom birdamligi oʻyinlarida aralash jamoaviy dasturda shohsupaning uchinchi pogʻonasiga koʻtarilgan. Joriy yil „Zulfiya“ nomidagi davlat mukofoti bilan taqdirlangan. 2023-yil noyabr oyida Tailandda oʻtgan Osiyo litsenzion turniridagi muvaffaqiyatli ishtiroki orqali Parij-2024 ishtirokchilari orasidan joy oldi[1].
| Abdusattorova Ziyodaxon Dilshodjon qizi | |
|---|---|
| Shaxsiy maʼlumotlari | |
| Jinsi | ayol |
| Fuqaroligi |
 Oʻzbekiston |
| Tavallud sanasi |
17-aprel 2001-yil Margʻilon, Fargʻona viloyati O'zbekiston |
| Sport | |
| Qaysi sport | Kamondan otish |
Faoliyati tahrir
Bugungi kunga kelib, Ziyodaxon Abdusattorova kamondan otish boʻyicha ayol sportchilar orasida 49-oʻrinni egallab turibdi[2].
2019-yilda Ziyodaxon Abdusattorova Bangkok-2019 Osiyo kamondan otish musobaqalarida qatnashdi. Ushbu musobaqalarda u juda yaxshi natija koʻrsatdi va 4-oʻrinni egalladi. Uning birinchi musobaqa raqibi Urantungalag Bishindee Mongoliyadan. Ushbu jangda Ziyodaxon Abdusattorova 6:0 hisobida gʻalaba qozondi. Keyingi raund yaponiyalik Uehara Rukaga qarshi boʻlib, Ziyodaxon Abdusattorova 6:5 hisobida gʻalaba qozondi. Chorak finaldan oldin u xitoydan Long Xiaoqingga qarshi edi. Abdusattorova 6:4 hisobida chorak finalga chiqdi. Chorak finalda u Shimoliy koreyalik Jong Un Ju bilan toʻqnashdi va uni 6:0 hisobida magʻlub etdi. Ammo, afsuski, yarim finalga oʻtib, u xitoylik Zheng Yichayga 0:6 hisobida magʻlub boʻldi. Shundan soʻng u bronza medal uchun kurashdi, ammo afsuski, u 4:6 hisobida magʻlubiyatga uchradi va shu bilan 4-oʻrinni egalladi[3].
2023-yil 9-12 noyabr kunlari Tailandda, 2024-yilgi Olimpiya oʻyinlari uchun Osiyo kontinental saralash musobaqasi boʻlib oʻtdi. Aynan shu turnirda Abdusattarova Ziyodaxon 2-oʻrinni egalladi va shu bilan 2024-yil Parijda (Fransiyada) boʻlib oʻtgan Olimpiya oʻyinlarida ishtirok etdi[4][5].
Bugungi kunda Ziyodaxon Abdusattorova Parij-2024 Olimpiadasiga qizgʻin hozirlik koʻrmoqda[6].
Manbalar tahrir
- ↑ „olympic.uz“. Qaraldi: 2024-yil 2-may.
- ↑ „biography“. Qaraldi: 2024-yil 2-may.
- ↑ „bangkok-2019“ (2019). Qaraldi: 2024-yil 2-may.
- ↑ „asian continental qualifier tournament for the 2024 olympics“. Qaraldi: 2024-yil 2-may.
- ↑ „uzbekistan qualifies first olympic archery quota“ (2023-yil 14-oktyabr). Qaraldi: 2024-yil 2-may.
- ↑ „olympic.uz“ (2023-yil 28-dekabr). Qaraldi: 2024-yil 2-may.