Sovgʻa
"SOVGʻA" — ertapishar yozgi nok navi. Bogʻdorchilik, uzumchilik va vinochilik ilmiy tadqiqot institutida Vilyame va Lesnaya krasavitsa navlarini chatishtirib chiqarilgan (A. K. Pavlov, V. V. Kuznetsov). Daraxti oʻrtacha kattalikda, shoxshabbasi keng piramida shaklida. Mevasi oʻrtacha kattalikda, vazni 150— 170 g., och sariq, qizil taramlari bor. Poʻsti yupqa, nafis, silliq, tovlanuvchan. Eti oq, mayin, moysimon, sersuv, nordonshirin, mazasi yoqimli.
Tarkibida 13,9% qand, 0,15% kislota mavjud. Koʻchati ekilgandan soʻng 4—5yili hosilga kiradi. Aprel oʻrtalarida gullaydi. Avg.ning oʻrtalarida pishadi. Har yili hosil beradi. Oʻrtacha hosildorligi 134,4 s/ga (eng yuqorisi 227,1 s/ga). Sovuqqa, kasalliklarga chidamli. 1959-yildan Oʻzbekistonnin1: barcha viloyatlarida rayonlashtirilgan.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |