Abarka (daryo)
Abarka (ukraincha: Абарка, qrim tatarcha: Abarka, Абарка) — Qrimning janubiy qirgʻogʻidagi kichik, bir vaqtlar sersuv, ammo hozir kamsuv boʻlgan daryo. Oʻtmishda sersuv boʻlgani tufayli Abarka oʻzani Qrimning janubiy qirgʻogʻida Aya burnidan Alupkagacha boʻlgan hududdagi eng sezilarli vodiyni saqlab turibdi. Daryoning uzunligi 3,6 km, suv havzasi 4,2 km², irmoqlari yoʻq[1] Uning qirgʻoqlarini Laspi daraxtzorlari egallaydi. Shimoldan va sharqdan vodiyni tik qoyatoshli Baydarskaya yaylasi kesib oʻtadi. Abarka daryosi gʻarbda Aya burni va sharqda Sarich burni oʻrtasidagi Laspi koʻrfaziga quyiladi. 1927-yil Qrimdagi zilzilalar mahalliy relyefni keskin oʻzgartirdi. Ilgari daryo vodiysida yer osti karst suvlari chiqqan joylar koʻp boʻlgan, ammo zilziladan keyin ular yoʻqolib ketgan, toʻgʻrirogʻi sharqqa siljigan. Shu sababli, hozirgi vaqtda daryo oʻzani yilning koʻp qismida quruq boʻladi[2] Daryoning boshlanishi 384 m balandlikdagi Komperiya bulogʻi hisoblanadi, lekin suv quvurga chiqarilgani uchun oqim kuzatilmaydi[3]. Daryo suvini muhofaza qilish zonasi 50 m[4] qilib belgilangan.
| Abarka | |
|---|---|
| Tavsif | |
| Uzunligi | 3,6 |
| Davlat | Ukraina |
Manbalar tahrir
- ↑ Лисовский А. А., Новик В. А., Тимченко З. В., Мустафаева З. Р.. Поверхностные водные объекты Крыма (справочник), 500 экз, Симферополь: Рескомводхоз АРК, 2004 — 9 bet. ISBN 966-7711-26-9.
- ↑ Август Николаевич Олиферов, Зинаида Владимировна Тимченко „Реки Южного берега Крыма.“,. Реки и озёра Крыма. Симферополь: Доля, 2005.
- ↑ Юрий Езерский. „Родники Комперия“ (ru). Родники Крыма. Qaraldi: 2020-yil 21-oktyabr.
- ↑ „Предложения по охране окружающей природной среды и улучшению санитарно-гигиенических условий, по охране воздушного и водного бассейнов, почвенного покрова, организации системы охраняемых природных территорий“ (ru). ОАО «Гипрогор». Qaraldi: 2020-yil 21-oktyabr.