Abdugʻaffor Qirgʻizboyev
Abdugʻaffor Karimjonovich Qirgʻizboyev (1962-yil 10-avgust, Uchqoʻrgʻon tumani, Namangan viloyati, Oʻzbekiston SSR) — oʻzbekistonlik tarixchi olim, tarix fanlari doktori (2005), professor (2016).
| Abdugʻaffor Karimjonovich Qirgʻizboyev | |
|---|---|
 | |
| Tavalludi |
10-avgust 1962-yil Uchqoʻrgʻon tumani, Namangan viloyati, Oʻzbekiston SSR |
| Fuqaroligi |
 Oʻzbekiston |
| Kasbi | tarixchi |
| Sohasi | tarix |
| Taʼlimi | Toshkent davlat pedagogika instituti |
| Ilmiy darajasi | tarix fanlari doktori |
| Ilmiy unvoni | professor |
Biografiyasi tahrir
Abdugʻaffor Qirgʻizboyev 1962-yil 10-avgust Namangan viloyati, Uchqoʻrgʻon tumanida tugʻilgan[1]. 1985-yili Toshkent davlat pedagogika institutini tarix fani o‘qituvchisi mutaxassisligi boʻyicha tamomlagan[2]. 1985—1986-yillarda Toshkent shahar 186-sonli maktabda tarix fani o‘qituvchisi[3], 1986—1988-yillarda O‘zbekiston Respublikasi Fanlar akademiyasi Oybek nomidagi O‘zbekiston xalqlari tarixi muzeyi ilmiy xodimi, 1989—1992-yillarda O‘zbekiston Respublikasi Fanlar akademiyasi Tarix instituti aspiranti, 1992—1992-yillarda O‘zbekiston Respublikasi Fanlar akademiyasi Oybek nomidagi O‘zbekiston xalqlari tarixi muzeyi ilmiy xodimi, 1992—1993-yillarda Toshkent davlat pedagogika instituti „O‘zbekiston xalqlari tarixi“ kafedrasi katta o‘qituvchisi, 1993-1996-yillarda Toshkent davlat pedagogika instituti tarix fakulteti tarbiyaviy ishlar bo‘yicha dekan oʻrinbosari hamda institutning kasaba uyushmasi raisi o‘rinbosari, 1996—2004-yillarda Toshkent davlat pedagogika instituti (1998-yildan universitet) maʼnaviy-maʼrifiy masalalari bo‘yicha prorektori[4], 2004—2005-yillarda Toshkent davlat pedagogika universiteti malaka oshirish va qayta tayyorlash fakulteti dekani, 2005—2009-yillarda Oliy va o‘rta maxsus taʼlim vazirligining O‘rta maxsus, kasb-hunar taʼlimi markazi maʼnaviy-axloqiy tarbiya va sport bo‘limi boshlig‘i, 2010—2015-yillarda O‘zbekiston Respublikasi Oliy Majlisi Qonunchilik palatasi Fan, taʼlim, madaniyat va sport masalalari qo‘mitasi raisining o‘rinbosari, 2015—2018-yillarda O‘zbekiston Respublikasi Oliy Majlisi Qonunchilik palatasi Fan, taʼlim, madaniyat va sport masalalari qo‘mitasining aʼzosi, 2018—2019-yillarda O‘zbekiston Respublikasi Oliy Majlisi Qonunchilik palatasi Fan, taʼlim, madaniyat va sport masalalari qo‘mitasining raisi[3], 2019—2021-yillarda O‘zbekiston Respublikasi Vazirlar Mahkamasi Maʼnaviyat va davlat tilini rivojlantirish masalalari departamentining mudiri lavozimlarida faoliyat ko‘rsatgan[2][4][5][6][7]. 2021-yildan Toshkent davlat pedagogika universiteti rektori[1][2][4][8][9].
Ilmiy faoliyati tahrir
Abdugʻaffor Qirgʻizboyev 2005-yilda „O‘zbekiston Respublikasining Osiyo mamlakatlari bilan xalqaro hamkorligi“ mavzusida doktorlik dissertatsiyasini himoya qilib, tarix fanlari doktori ilmiy darajasini olgan, 2016-yilda professor ilmiy unvoni berilgan.
Manbalar tahrir
- ↑ 1,0 1,1 „«Zamdekan» mojarosi ortidan TDPU rektori ishdan olindi“ (2021-yil 17-noyabr).
- ↑ 2,0 2,1 2,2 „Zamdekan” mojarosi ortidan TDPU rektori o‘zgardi“ (2021-yil 17-noyabr).
- ↑ 3,0 3,1 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342 bet.
- ↑ 4,0 4,1 4,2 „КИРГИЗБОЕВ Абдугаффор“.
- ↑ „Yarim yildirki O`zbekistonda davlat tilini rivojlantirishga mas`ul topilmayapti“ (2022-yil 26-aprel).
- ↑ „Hukumatda yangi tashkil etilgan departamentga mudir tayinlandi“ (2019-yil 12-noyabr).
- ↑ „Абдуғаффор Қирғизбоев Давлат тилини ривожлантириш департаментининг мудири этиб тайинланди“ (2019-yil 12-noyabr).
- ↑ „Abdugʻaffor Qirgʻizboyev Vazirlar Mahkamasi departamenti mudiri lavozimidan ozod etildi. Endi u rektor“ (2021-yil 17-noyabr).
- ↑ „Toshkent davlat pedagogika universitetiga yangi rektor tayinlandi“ (2021-yil 17-noyabr).