Alex Graham (producer)

Alex Graham (Aleks Grem) — 1953-yilda tugʻilgan shotlandiyalik televizion produser va jurnalist.

Glazgoda (Shotlandiya) tugʻilgan Alex Graham sobiq Hamilton akademiyasi maktabida va Glazgo universitetida tahsil olgan, soʻngra 1978-yilda London City universitetining jurnalistika boʻyicha diplomini olgan^[1]. 1976-yilda Glazgo universitetida oʻqib yurgan chogʻida u davlat xarajatlarini qisqartirishning universitet talabalariga taʼsirini koʻrsatuvchi „So you think you know about the cuts“ nomli filmida hamkorlik qilgan.

Bradford Telegraph va Argus va The Sunday Times gazetalarida jurnalist sifatida ishlagan. Graham 1979-yilda London Weekend televideniesi jamoasiga qoʻshildi va u 1983-yilda Diverse Productions ga ishga oʻtdi. Channel 4 ning „Diverse Reports“ va „The Media Show“ kabi dolzarb masalalar seriyasining muharriri boʻldi. 1987-yilda Wall to Wall Television Ltd. teledasturlarini ishlab chiqarish kompaniyasini tashkil etgan Graham oʻshandan beri koʻplab mashhur dasturlarni yaratish va ishlab chiqarish bilan shugʻullanadi, jumladan, The 1900 House; The 1940s House; A Rather English Marriage; Who Do You Think You Are va New Tricks^[1].

Wall to Wall savdo jurnali Real Screen tomonidan dunyodagi eng yaxshi yettita mustaqil produserdan biri deb topildi va koʻplab mukofotlarga sazovor boʻldi, jumladan, BAFTA; Emmi; Qirollik televideniye jamiyati va Peabody mukofotlari va 2009-yilda oʻzining birinchi hujjatli filmi „Man on Wire“ uchun Oskarni qoʻlga kiritdi^[1]. 2007-yilda Wall to Wall Shed Media Group plc tarkibiga kirdi, uning boshqaruv aʼzosi Alex Graham eng yirik aktsiyadorlardan biri hisoblanadi. Shuningdek, u Sheffild xalqaro hujjatli filmlar festivali boshqaruvi aʼzosiva Kino va televideniye uchun produserlar jamiyatining (PACT) sobiq raisi, hozirda uning homiylar guruhining aʼzosi^[1]^[2].

Alex Graham — Qirollik televideniye jamiyati va Qirollik sanʼat jamiyati aʼzosi, Bornmut universiteti Media maktabining tashriflar boʻyicha xodimi^[3]. 2016-yil sentabr oyida Graham Guardian Media guruhini boshqaradigan Scott Trust raisi etib tayinlandi va yil oxirida Dame Liz Forganning oʻrnini egallaydi^[4].

Manbalar tahrir

↑ ^1,0 ^1,1 ^1,2 ^1,3 „Archived copy“. 2012-yil 1-oktyabrda asl nusxadan arxivlangan. Qaraldi: 2022-yil 17-iyun.
↑ „Thirteen, New York Public Media. Press room. Biographies“.
↑ „Shed Media – directors’ biographies, Alex Graham“. 2010-yil 17-yanvarda asl nusxadan arxivlangan. Qaraldi: 2022-yil 17-iyun.
↑ Jackson, Jasper (22 September 2016) „Alex Graham appointed as seventh chair of the Scott Trust“. The Guardian.

Havolalar tahrir

[bir-1] 1,0 ^1,1 ^1,2 ^1,3 „Archived copy“. 2012-yil 1-oktyabrda asl nusxadan arxivlangan. Qaraldi: 2022-yil 17-iyun.

[ikki-2] „Thirteen, New York Public Media. Press room. Biographies“.

[uch-3] „Shed Media – directors’ biographies, Alex Graham“. 2010-yil 17-yanvarda asl nusxadan arxivlangan. Qaraldi: 2022-yil 17-iyun.

[toʻrt-4] Jackson, Jasper (22 September 2016) „Alex Graham appointed as seventh chair of the Scott Trust“. The Guardian.

[1]

[2]

[3]

[4]