Amnon Koen
Amnon Koen (1960-yil 1-iyun, Samarqand, Oʻzbekiston SSR, SSSR)[1] – isroillik siyosatchi, Shas partiyasidan Knesset (15–19 – chaqiriqlar) deputati.
| Amnon Koen | |
| ivritcha: אמנון כהן' | |
 | |
| Faoliyat yillari: | |
| Tavallud sanasi: | 1960-yil 1-iyun |
| Tavallud joyi: | Samarqand, OʻzSSR |
Hayoti
tahrirAmnon Koen 1960-yil 1-iyunda Oʻzbekiston SSR, Sovet Ittifoqi (hozirgi Oʻzbekiston Respublikasi) Samarqand shahrida tugʻilgan. 1973-yilda ona vatani Isroilga qaytdi. Kiryat Ono akademik kollejida menejment boʻyicha bakalavr darajasini oldi.
Ramle munitsipalitetida turli lavozimlarda ishlagan. 1999-yilda u birinchi marta Knessetga (15-chaqiriq) saylangan. U favqulodda iqtisodiy dastur boʻyicha qonun boʻyicha maxsus komissiyada, Knesset komissiyasida, moliya komissiyasida, shuningdek, absorbsiya va diaspora masalalari boʻyicha komissiyada ishlagan. Fuqarolar murojaatlari boʻyicha komissiya raisi boʻlgan.
Amnon 16-Knessetda Davlat nazorati qoʻmitasi va Aliya, absorbsiya va diaspora qoʻmitasida ishlagan. Davlat nazorati komissiyasi va iqtisod boʻyicha komissiya raisi boʻlgan.
Koen 2006-yilda Knessetga qayta saylangan, Moliya qoʻmitasi, Fuqarolar murojaatlari qoʻmitasi va Bolalar huquqlari boʻyicha komissiya aʼzosi boʻlgan. Bundan tashqari, u bir qator quyi qoʻmitalarda ishlagan. 17-Knessetda Koen Knesset spikeri oʻrinbosari etib tayinlandi.
18-Knessetga saylovlar oldidan Koen Shas partiyasi roʻyxatida toʻrtinchi oʻrinni egalladi va Knessetga saylandi. Ichki ishlar va atrof-muhitni muhofaza qilish komissiyasini boshqargan[2]. Davlat nazorati, moliya-xoʻjalik komissiyalari aʼzosi boʻldi.
2015-yilgi saylovlar oldidan Koen saylovlarda qatnashmasligini va Knessetni tark etishini eʼlon qildi[3]. 2016-yilda u Isroil 2-kanalidagi tergov hisobotidan soʻng korrupsiyada gumon qilinib, tergov qilingan[4]. Ish 2021-yil iyun oyida dalillar toʻplashdagi qiyinchiliklar tufayli yopilgan[5].
Koen oila qurgan, toʻrt farzandi bor, ibroniy, rus va oʻzbek tillarini biladi.
Manbalar
tahrir- ↑ „אוטוביוגרפיה“ (he) (2012-yil 13-yanvar). 2012-yil 13-yanvarda asl nusxadan arxivlangan. Qaraldi: 2021-yil 16-may.
- ↑ „ШАС рассчитывает получить 3 "русских" мандата“ (2009-yil 10-fevral). 2013-yil 15-noyabrda asl nusxadan arxivlangan. Qaraldi: 2012-yil 6-fevral.
- ↑ These are the candidates vying for public’s vote in upcoming elections Ynetnews, 30 January 2015
- ↑ „Former Shas MK 'was on payroll of top broker'“. The Times of Israel (2016-yil 11-mart). Qaraldi: 2016-yil 15-dekabr.
- ↑ „Sexual bribery case against former MK Cohen closed“. The Jerusalem Post (2021-yil 27-iyun).