Anders Fogh Rasmussen
Anders Fog Rasmussen (1953-yil 26-yanvar, Ginnerup, Daniya) – daniyalik siyosatchi, 2009-2014-yillarda NATO Bosh kotibi, Ukraina Prezidenti maslahatchisi (2016-2019). 2001-yildan 2009-yilgacha Daniya Bosh vaziri[1][2].
| Anders Fogh Rasmussen | |
|---|---|
 | |
| Shimoliy Atlantika shartnomasi tashkiloti bosh kotibi | |
|
Mansab davri 2009-yil 1-avgustdan – 2014-yil 1-oktyabrgacha | |
| Oʻtmishdoshi | Jaap de Hoop Scheffer |
| Vorisi | Jens Stoltenberg |
| Daniya Bosh vaziri | |
|
Mansab davri 2001-yil 27-noyabrdan – 2009-yil 5-aprelgacha | |
| Monarx | Margrethe II |
| Oʻtmishdoshi | Poul Nyrup Rasmussen |
| Vorisi | Lars Løkke Rasmussen |
| Venstre lideri | |
|
Mansab davri 1998-yil 18-martdan – 2009-yil 17-maygacha | |
| Oʻtmishdoshi | Uffe Ellemann-Jensen |
| Vorisi | Lars Løkke Rasmussen |
| Iqtisodiyot vaziri | |
|
Mansab davri 1990-yil 18-dekabrdan – 1992-yil 19-noyabrgacha | |
| Hukumat boshligʻi | Poul Schlüter |
| Oʻtmishdoshi | Niels Helveg Petersen |
| Vorisi | Thor Pedersen |
| Soliq vaziri | |
|
Mansab davri 1987-yil 10-sentabrdan – 1992-yil 19-noyabrgacha | |
| Hukumat boshligʻi | Poul Schlüter |
| Oʻtmishdoshi | Isi Foighel |
| Vorisi | Peter Brixtofte |
| Shaxsiy maʼlumotlari | |
| Tavalludi |
Anders Fogh Rasmussen 26-yanvar 1953-yil Ginnerup, Denmark |
| Siyosiy partiyasi | Venstre |
| Mukofotlari |
   |
Hayoti
tahrirAnders Fog Rasmussen 1953-yil 26-yanvarda Ginnerup shahrida fermer Knud Rasmussen va Marta Rasmussen oilasida tugʻilgan. Onasining familiyasi Anders uchun ikkinchi ismga aylandi.
1969-1972-yillarda Viborg sobori maktabini tillar va ijtimoiy fanlar sohasi boʻyicha tamomlagan. Orhus universitetida iqtisod fakultetida tahsil olgan, 1978-yilda tamomlagan. U soliqqa tortish va davlat tuzilishiga oid bir qancha kitoblar yozgan. U va uning rafiqasi Anne-Mette (1958-yilda tugʻilgan) 1978-yilda turmush qurishgan va uchta farzandi bor: Henrik Fog Rasmussen (1979-yilda tugʻilgan), Mariya (1981-yilda tugʻilgan) va Kristina (1984-yilda tugʻilgan), olti nabirasi bor.
U oʻzining siyosiy faoliyatini 17 yoshida, Viborg shahridagi Yosh liberallar jamiyati asoschisi sifatida boshlagan. Oradan atigi 3 yil oʻtib, 1973-yilda Daniya Liberal partiyasi Markaziy Kengashiga (Venstre) qoʻshildi. 1974-yilda Folketing nomzodini qoʻydi va 1978-yilda birinchi marta Viborg munitsipalitetidan deputat etib saylandi. Oʻsha yili Orxus universitetida iqtisod boʻyicha oliy maʼlumot oldi. Daniya kichik va oʻrta tadbirkorlar federatsiyasiga ishga ketdi va 1984-yilgacha maslahatchi boʻlib ishladi.
1984-yildan Liberallarning parlament fraksiyasi rahbariyatining aʼzosi, 1985-yildan Liberal partiya milliy tashkiloti raisining oʻrinbosari, 1987-1992-yillarda Daniya soliq vaziri, 1990-1992-yillarda – iqtisodiyot vaziri. 1993-yilda „Fra Socialstat til Minimalstat“ (tarjimasi – „Ijtimoiy davlatdan minimal davlatga“) nomli kitobini nashr etdi. 1996-yilda vakillar kengashi aʼzosi, ikki yildan soʻng esa Daniya Milliy banki direktorlar kengashi aʼzosi boʻldi.
1998-yildan Daniya Liberal partiyasining raisi, 2001-yil 20-noyabrda parlament saylovlarida gʻalaba qozongan.
2001-yil 27-noyabrda Anders Fog Rasmussen Daniya Bosh vaziri lavozimini egalladi.
Rasmussen past soliqlar, xususiylashtirish va hukumat hajmini cheklash tarafdori boʻlib, oʻzining bosh vazirligi davrida tegishli ichki siyosatni olib bordi. Immigratsiyaga qarshi qonunchilikni kuchaytirish tashabbusi bilan chiqdi va bir jinsli nikohni qonuniylashtirish tarafdori edi. 2005-yilda Daniya Muhammad paygʻambarning gazeta karikaturalari tufayli katta ichki mojaroga duch keldi. Karikaturalardan xafa boʻlgan musulmonlardan Daniya mahsulotlarini global boykot qilish chaqiriqlari eshitildi. 2007-yil 1-yanvarda global munitsipal islohot kuchga kirdi. Oʻsha yili Rasmussen Daniyaning Yevro hududiga kirishi va yagona Yevropa valyutasi – yevroni joriy etish boʻyicha referendum oʻtkazish niyatida ekanligini eʼlon qildi. Natijada, Daniya bu zonaga kirmadi va oʻz milliy valyutasini kron koʻrinishida saqlab qoldi. 2005 va 2007-yillarda Daniya liberal partiyasi parlament saylovlarida gʻalaba qozondi, buning natijasida Rasmussen 2009-yilgacha Daniya Bosh vaziri boʻlib qoldi.
2009-yil mart oyida Buyuk Britaniya, Fransiya va Germaniya rahbarlari Anders Fog Rasmussenni NATO Bosh kotibi lavozimiga saylashga qaror qilishdi. 2009-yil aprel oyida NATO sammitida Qoʻshma Shtatlar Rasmussen nomzodini qoʻllab-quvvatlashini bildirdi. Turkiya dastlab Rasmussen nomzodiga eʼtiroz bildirgan va hatto veto huquqidan foydalanish imkoniyatidan ogohlantirgan, biroq keyinroq oʻz pozitsiyasini qayta koʻrib chiqqan va Rasmussenning tanloviga rozi boʻlgan. Italiya va Ispaniya ham uning nomzodini qoʻllab-quvvatladi[3]. 2009-yil 4-aprelda Rasmussen NATO Bosh kotibi etib tasdiqlandi, ertasi kuni Daniya hukumati rahbari lavozimidan isteʼfoga chiqdi. Rasmussenning Daniya Bosh vaziri lavozimini egallagan vorisi Lars Løkke Rasmussen edi.
2009-yil 1-avgustda rasman NATO Bosh kotibi lavozimini egallagan.
Rasmussenning NATO Bosh kotibi sifatida ishlagan davrida Liviyadagi va Gruziyadagi urushdan keyin uzilib qolgan alyans va Rossiya oʻrtasidagi hamkorlik vaqtincha qayta tiklandi, NATOning aralashuvini Rasmussenning oʻzi qoʻllab-quvvatladi.
2014-yil 1-oktabrda Rasmussen NATO Bosh kotibi lavozimini tark etdi. Uning oʻrnini Norvegiyaning sobiq bosh vaziri Yens Stoltenberg egalladi.
2015-yilning yozidan – Goldman Sachs maslahatchisi[4].
2016-yil 27-maydan 2019-yil 17-maygacha – Ukraina Prezidenti Pyotr Poroshenkoning mustaqil maslahatchisi.
Mukofotlari
tahrir- Danebrog ordeni ritsarining Katta xochi (Daniya; 2009-yil 7-aprel).
- „Buyuk xizmatlari uchun“ oltin medali (Daniya; 2002-yil 17-dekabr).
- Polsha Respublikasining „Buyuk xizmatlari uchun“ ordeni ritsarlari (2003).
- Buyuk Vitautas ordeni ritsarining Buyuk xochi (Litva, 2014-yil 13-fevral) [5] .
- Litva Buyuk Gertsogi Gediminas ordeni ritsarining Buyuk xochi (Litva; 2004-yil 21-aprel)[6].
- 1-darajali Mariya yerining xochi ordeni (Estoniya; 2009-yil 4-fevral)[7].
- "Uch yulduz" ordeni katta ofitseri (Latviya; 2004-yil 16-oktyabr)[8].
- Orange-Nassau ordeni ritsarining Buyuk xochi (Gollandiya; 2014-yil 30-yanvar).
- 1-darajali Stara Planina ordeni (Bolgariya; 2014-yil 11-aprel).
- Muqaddas Georgiy medali, 1-darajali (Bolgariya Mudofaa vazirligi; 2014-yil 11-aprel).
- Buxarest universitetining faxriy doktori (Ruminiya; 2013-yil 24-may).
- Ozodlik ordeni (Ukraina; 2014-yil 7-avgust) – Ukraina davlati va Shimoliy Atlantika alyansi oʻrtasidagi hamkorlikni rivojlantirishga qoʻshgan katta shaxsiy hissasi, Ukraina suvereniteti, mustaqilligi va hududiy yaxlitligini himoya qilishda katta qoʻllab-quvvatlagani uchun[9][10].
Manbalar
tahrir- ↑ https://rasmussenglobal.com/the-firm
- ↑ arxiv nusxasi, 2019-12-21da asl nusxadan arxivlandi, qaraldi: 2018-06-23
- ↑ Türkei macht Weg für Rasmussen als Nato-Chef frei(olm.) ( at www.welt.de Error: unknown archive URL 20170902010657 sanasida arxivlangan)
- ↑ „Бывший генсек НАТО стал советником Goldman Sachs / Новости / Finance.UA“. 2015-yil 8-avgustda asl nusxadan arxivlangan. Qaraldi: 2015-yil 6-avgust.
- ↑ „Dėl Lietuvos Respublikos ir užsienio valstybių piliečių apdovanojimo Lietuvos valstybės ordinais ir medaliais Vasario 16-osios – Lietuvos valstybės atkūrimo dienos proga“. 2022-yil 20-sentyabrda asl nusxadan arxivlangan. Qaraldi: 2022-yil 16-sentyabr.
- ↑ Dekret Prezidenta Litovskoy Respubliki ot 21 aprelya 2004 goda № 20
- ↑ Teenetemärkide kavalerid(est.)
- ↑ Ar Triju Zvaigžņu ordeni apbalvoto personu reģistrs apbalvošanas secībā, sākot no 2004. gada 1.oktobra Webarxiv andozasida xato:
|url=qiymatini tekshiring. Boʻsh.(lot.) - ↑ Ukaz Prezidenta Ukraїni № 638/2014 vіd 7 serpnya 2014 roku „Pro nagorodjennya ordenom Svobodi“ (Wayback Machine saytida 2015-02-03 sanasida arxivlangan) (Ukraincha)
- ↑ Prezident Ukraїni nagorodiv Generalnogo sekretarya NATO ordenom Svobodi // Ofіsіyne іnternet-predstavnitstvo Prezidenta Ukraїni, 07.08.2014 (Wayback Machine saytida 2015-02-03 sanasida arxivlangan) (Ukraincha)