Argentina Fanlar akademiyasi

Argentina Milliy Fanlar Akademiyasi (ispancha: Academia Nacional de Ciencias) Argentinaning asosiy ilmiy birlashmasi. Argentina Milliy Fanlar Akademiyasi 1869-yilda Kordovada (Argentina) prezident Domingo Faustino Sarmiento tomonidan tashkil etilgan. Akademiya Kordova shahrida tashkil etilgan.

Bu davlat tomonidan qoʻllab-quvvatlanadigan birinchi akademiya hisoblanadi.

Akademiya tashkil etilganidan buyon aniq va tabiiy fanlarni rivojlantirish, Argentina hududini oʻrganish, milliy hukumat va provinsiya hukumatlari, shuningdek, mamlakatning boshqa taʼlim va ilmiy muassasalari faoliyatini ilmiy taʼminlash bilan shugʻullanadi. Akademiya, shuningdek, ilmiy faoliyati uchun turli mukofotlar bilan taqdirlaydi, jurnal nashr etadi, konferensiyalar va boshqa tadbirlarni oʻtkazadi. Argentina Milliy Fanlar akademiyasi fanlarni rivojlantirish, targʻib qilish va tarqatishga hissa qoʻshishga, Argentinaning barcha fan sohalarida rivojlanishini ragʻbatlantirishga intiladi.

Hozirgi bino 1897-yilda ochilgan va 1994-yilda Milliy tarixiy yodgorlik deb eʼlon qilingan.

Institut tashkil etilganidan buyon aniq va tabiiy fanlarni rivojlantirish va tarqatish, mamlakat hududini oʻrganish va tadqiq etish, milliy hukumat, viloyat hokimliklari va boshqa ilmiy muassasalarga oʻz ixtisosligi boʻyicha maslahatlar berishga yoʻnaltirilgan.

Akademiya Argentina Milliy Fanlar Akademiyasi Ustaviga muvofiq fan rivojiga katta hissa qoʻshgan olimlardan saylangan aʼzolardan iborat.

Aʼzolar

Turli yillarda akademiya aʼzolari:

Charlz Darvin

Benjamin Gould

Bernardo Usay

Lui Leluar

Fransisko Moreno

Avgust Geynrix Rudolf Grisebax

Domeiko Ignatiy Ipolitovich

Edvard Kop

Hermann von Ihering

Avgust Vilgelm Eyxler

Muzeylar

Milliy Fanlar akademiyasi binosida vaqtinchalik va doimiy koʻrgazmalar oʻtkaziladi. Bundan tashqari, Kordova Milliy Universitetining Aniq, fizika va tabiiy fanlar fakultetining toʻrtta muzeyi joylashgan: Botanika muzeyi, Doktor Alfred V. Stelzner Mineralogiya va Geologiya muzeyi, Paleontologiya muzeyi va Zoologiya muzeyi.

Havolalar

• Argentina Milliy Fanlar Akademiyasi veb-sayti^(isp.) )