Armaniston — Kanada munosabatlari
Armaniston — Kanada munosabatlari Armaniston va Kanada oʻrtasidagi ikki tomonlama diplomatik munosabatlardir . Mamlakatlar Birlashgan Millatlar Tashkiloti va Frankofoniya aʼzolaridir.
 | |
 Armaniston |
 Kanada |
Tarixi
tahrirKanada Armanistonni 1991-yilda Sovet Ittifoqi parchalanganidan koʻp oʻtmay tan oldi. 1992-yilda mamlakatlar rasmiy ravishda diplomatik munosabatlar oʻrnatdilar[1]. 1997-yilda Kanada Yerevanda faxriy konsullik ochdi. Kanadaning Moskvadagi elchixonasi Armanistonda ham mamlakat manfaatlarini himoya qiladi. 1995-yilda Armaniston Ottavada elchixonasini ochdi[2].
1999-yilda mamlakatlar oʻrtasida bir qancha shartnomalar imzolangan, masalan: Savdo toʻgʻrisidagi bitim; Investitsiyalarni ragʻbatlantirish va himoya qilish toʻgʻrisidagi bitim, ikki tomonlama soliqqa tortishning oldini olish; daromad va kapital soligʻi boʻyicha soliq toʻlashdan boʻyin tovlashning oldini olish toʻgʻrisidagi bitimlar[2] kiradi.
Kanada Xalqaro hamkorlik departamenti Armanistonga mintaqaviy loyihalar orqali moliyaviy yordam beradi. Bundan tashqari, Kanada Jamgʻarmasi Kanadaning Moskvadagi elchixonasi tomonidan Armanistonda savdo siyosati salohiyatini oshirish, qishloqlarni rivojlantirish, sogʻliqni saqlash loyihalari va atrof-muhit dasturlari kabi sohalarda rahbarlik qiladi.
2006-yilda Kanada Arman genotsidini rasman tan oldi[2]. 2018-yil oktyabr oyida Kanada Bosh vaziri Jastin Tryudo Frankofoniya 17-sammitida ishtirok etish uchun Armanistonga tashrif buyurdi. Tashrif doirasida Jastin Tryudo Armaniston Prezidenti Armen Sarkisyan va Bosh vazir Nikol Pashinyan bilan mamlakatlar o‘rtasidagi munosabatlarni yanada mustahkamlash maqsadida uchrashdi[3].
Savdo aloqalari
tahrir2017-yilda mamlakatlar o‘rtasidagi tovar ayirboshlash hajmi 35,7 mln. AQSh dollarini tashkil etgan. Armanistonning Kanadaga eksporti: qimmatbaho metallar va toshlar, toʻqimachilik. Kanadaning Armanistonga eksporti: oziq-ovqat, mashina va kimyoviy mahsulotlar[4].
Diplomatik missiyalar
tahrir- Armaniston Ottavada elchixonasini yuritadi[5].
- Kanadaning Armanistondagi manfaatlari Moskvadagi elchixona[6] va Yerevandagi faxriy konsullik[7] orqali ifodalanadi.
-
Armanistonning Ottavadagi elchixonasi -
Kanadaning Yerevandagi faxriy konsulligi
.jpg){kind=link}
Manbalar
tahrir- ↑ „Relations between Canada and Armenia“. 2020-yil 23-aprelda asl nusxadan arxivlangan. Qaraldi: 2020-yil 12-may.
- ↑ 2,0 2,1 2,2 „Bilateral relations between Armenia and Canada“. 2020-yil 27-oktyabrda asl nusxadan arxivlangan. Qaraldi: 2020-yil 12-may.
- ↑ „The Prime Minister concludes a successful visit to Armenia and his participation at the XVII Francophonie Summit“. 2019-yil 23-iyulda asl nusxadan arxivlangan. Qaraldi: 2020-yil 12-may.
- ↑ „Canada-Armenia Relations“. 2020-yil 23-aprelda asl nusxadan arxivlangan. Qaraldi: 2020-yil 12-may.
- ↑ „Embassy of Armenia in Canada“. 2017-yil 24-aprelda asl nusxadan arxivlangan. Qaraldi: 2020-yil 12-may.
- ↑ „Embassy of Canada in Russia“. 2020-yil 26-martda asl nusxadan arxivlangan. Qaraldi: 2020-yil 12-may.
- ↑ „Honorary Consulate of Canada in Yerevan“. 2017-yil 19-sentyabrda asl nusxadan arxivlangan. Qaraldi: 2017-yil 18-iyul.